تۇركىستان وبلىسى، ماقتاارال اۋدانىندا «قامقورلىق» باعدارلاماسى اياسىندا ءبىر وتباسى باسپانالى بولدى. دالىرەك ايتساق، اتاكەنت كەنتىنىڭ تۇرعىنى ەكى بالانىڭ اناسى، مۇمكىندىگى شەكتەۋلى اناسىنىڭ قاراۋشىسى باعنۇر التىنبەكوۆا قۋانىشقا كەنەلدى.

وعان ماقتاارال اۋداندىق «قازاقستان ارداگەرلەرى» قوعامدىق ۇيىمىنىڭ «ماقتاارال باسپانا» قوعامدىق قورىنىڭ دەمەۋشىلىگىمەن باسپانا كىلتى تابىستالدى. وسى كۇنگە دەيىن باسپانا تاۋقىمەتىن تارتىپ كەلگەن، بۇگىن قۋانىشقا كەنەلگەن باعنۇر التىنبەكوۆا دەمەۋشىلەرگە العىسىن ءبىلدىردى.

بۇگىندە وڭىردە «Nur Otan» پارتياسى تۇركىستان وبلىستىق فيليالىنىڭ ۇيلەستىرۋىمەن، وبلىس اكىمى ءومىرزاق شوكەيەۆتىڭ قاداعالاۋىمەن جۇزەگە اسىپ جاتقان باعدارلاماعا تۇرعىندار ءدان ريزا.

ماقتاارال اۋدانى بويىنشا 115 وتباسى تىزىمگە الىنىپ، ولارعا كومەك كورسەتىلىپ جاتىر. «قامقورلىق» باعدارلاماسى اياسىندا الەۋمەتتىك از قامتىلعان وتباسىلارعا قولداۋ كورسەتۋ ءىس-شارالارى ءالى دە جالعاسىن تابادى.

«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى