جانۋ ماسەلەلەرى ينستيتۋتىنىڭ عالىمى ح.ع.د.، پروفەسسور س.ح. اقنازاروۆ منينەرالدى جانە تەحنوگەندىك شيكىزات كوزدەرىنەن قۇرىلىس جۇمىستارىنا قاجەتتى جىلۋساقتايتىن ماتەريال دايىنداپ شىعاردى، – دەپ حابارلايدى «مەملەكەتتىك ۇلتتىق عىلىمي-تەحنيكالىق ساراپتاما ورتالىعى» اق باسپا ءسوز قىزمەتى.

قازاق عالىمى جىلۋ ساقتاعىش ماتەريالدى دايىنداۋدا پلازمالىق تەحنولوگيانى پايدالانىپ، قۇرىلىس سالاسى ءۇشىن ماڭىزدى ماتەريال الۋدىڭ جولىن ۇسىندى. ول عىلىمي-زەرتتەۋ جۇمىسى بارىسىندا تابيعي بازالت پەن مەتاللۋرگيالىق كومبيناتتاردان شىققان تەحنوگەندىك قالدىقتاردى جانە ءدولوميتتى ەلەكترلى-ماگنيتتىك جولمەن بالقىتقاندا قۇرىلىس سالاسى اسا قاجەت جوعارى ساپالى جىلۋساقتاعىش ماتەريال الۋدىڭ تەحنولوگياسىن ازىرلەدى.

بولاشاقتا جانۋ ماسەلەلەرى ينستيتۋتى عالىمى دايىنداعان قۇرىلىس ماتەريالىن قۇرىلىس، ەنەرگەتيكا جانە كوممۋنالدىق شارۋاشىلىق سالاسىنا كەڭىنەن پايدالانۋعا بولادى. بۇگىندە ىزدەنۋشى عالىم دايىن تاۋارلىق ءونىم الۋدىڭ تەحنولوگيالىق جۇيەسى مەن مينەرالداردى بالقىتاتىن رەاكتوردىڭ سىزباسىن ۇسىنىپ وتىر. الداعى ۋاقىتتا الەۋەتتى ينۆەستور تابىلسا، جوبانى ىسكە اسىرىپ، مول پايدا تابۋعا بولادى.