8 قازاندا الماتى ماڭىنداعى حالىقارالىق “سوكول” اۆتوجارىس الاڭىندا JAC Drive ٸس-شاراسى ٶتتٸ. جۋرناليستەر, بلوگەرلەر, اۆتوبلوگەرلەر مەن كٶلٸك ساراپشىلارى باس قوسقان جيىندا جاڭارتىلعان JAC JS6 تانىستىرىلىپ, برەندتٸڭ بٸرنەشە مودەلٸ ارنايى دايىندالعان جولداردا سىنالدى, دەپ حابارلايدى dalanews.kz.
جاڭارتىلعان JAC JS6 تانىستىرىلدى
ٸس-شارا قوناقتاردى قارسى الىپ, تٸركەۋدەن باستالدى. قاتىسۋشىلارعا ارنايى سىيلىقتار تابىستالىپ, تانىستىرىلىم الدىندا كوفە-برەيك ۇيىمداستىرىلدى.
ودان كەيٸنگٸ رەسمي بٶلٸمدە JAC Motors Qazaqstan باسشىلىعى مەن JAC Global ٶكٸلدەرٸ سٶز سٶيلەپ, جاڭا كٶلٸكتٸ تانىستىردى.
JAC Global ٶكٸلٸ البەرت جاڭارتىلعان JAC JS6 مودەلٸنٸڭ ديزاينى مەن ساپاسىنا ەرەكشە مەن بەرٸلگەنٸن ايتتى.
"بٷگٸن جاڭا JAC JS6 مودەلٸن تانىستىرۋ ماقساتىندا وسىندا بولۋ مەن ٷشٸن ٷلكەن مەرتەبە. بۇل كٶلٸكتە تارتىمدى ديزاين مەن سەنٸمدٸ ساپا ٷيلەسٸم تاپقان. ول جٷرگٸزۋشٸلەرگە جايلى ەرٸ جاعىمدى قوزعالىس تەجٸريبەسٸن ۇسىنادى", - دەدٸ ول.
JAC Motors Qazaqstan ديستريبۋتسيياسىنىڭ ٶكٸلٸ تيمۋر راحمانكۋلوۆ جاڭا مودەلدەردٸڭ تانىستىرىلۋى برەندتٸڭ قازاقستان نارىعىنداعى اۋقىمدى جوسپارىنىڭ بٸر بٶلٸگٸ ەكەنٸن جەتكٸزدٸ.
"بۇل كٶلٸكتٸڭ جەنە الداعى جاڭا ٷلگٸلەردٸڭ شىعۋىمەن بٸز برەندتٸڭ كٶرسەتكٸشتەرٸن جاقسارتىپ, ٷلكەن ماقساتتارعا جەتۋگە كٷش سالامىز. بۇل جولدا سەرٸكتەستەرٸمٸزدٸڭ قولداۋىنا دا سەنەمٸز", - دەدٸ تيمۋر راحمانكۋلوۆ.
كٶلٸكتٸڭ شۋى ازايىپ, قىسقى مٷمكٸندٸكتەرٸ كەڭەيگەن
رەسمي بٶلٸمنەن كەيٸن JAC Motors Qazaqstan ٶنٸم مەنەدجەرٸ نيكيتا بەزۋگلوۆ جاڭارتىلعان JS6 كٶلٸگٸن تانىستىرىپ, ونىڭ نەگٸزگٸ ەرەكشەلٸكتەرٸن تٷسٸندٸردٸ.
ايتۋىنشا, كٶلٸكتٸڭ اكۋستيكالىق جايلىلىعىن ارتتىرۋعا ايرىقشا كٶڭٸل بٶلٸنگەن. JS6 مودەلٸنە Full NVH Package كەشەنٸ ەنگٸزٸلٸپ, شۋ وقشاۋلاۋ ساپاسىن جاقسارتۋعا ارنالعان 54 شەشٸم قولدانىلعان. كۋزوۆتىڭ ساڭىلاۋسىزدىعى جەتٸلدٸرٸلٸپ, قۇرىلىمنىڭ تٶرت بٶلٸگٸ قوسىمشا كٷشەيتٸلگەن. دٶڭگەلەك پەن قارسى سوققان اۋادان شىعاتىن شۋدى ازايتۋ باعىتىندا دا ٶزگەرٸستەر جاسالعان.
جاڭارتىلعان مودەل قازاقستاننىڭ قىسقى جاعدايىنا بەيٸمدەلگەن. كٶلٸكتە بارلىق ورىندىقتى, رۋلدٸ, الدىڭعى ەينەكتٸ, بٷيٸر اينالاردى جەنە ەينەك جۋعىش بٷرٸككٸشتەردٸ جىلىتۋ مٷمكٸندٸگٸ قاراستىرىلعان. قوزعالتقىشتى قاشىقتان ٸسكە قوسۋ جٷيەسٸ دە بار.
جٷرگٸزۋشٸگە كٶمەكتەسەتٸن ەلەكتروندى جٷيەلەر دە جەتٸلدٸرٸلگەن. كٶلٸك جولاقتان شىعىپ كەتۋ قاۋپٸن ەسكەرتٸپ قانا قويماي, جٷرگٸزۋشٸگە بەلگٸلەنگەن جولاقتىڭ ٸشٸندە قالۋعا كٶمەكتەسەدٸ. سونداي-اق بەلسەندٸ كرۋيز-باقىلاۋ مەن كەپتەلٸستە قوزعالىستى جەڭٸلدەتەتٸن Traffic Jam جٷيەسٸ ورناتىلعان.
"ٶزگەرٸستەر كٶلٸكتٸڭ ەڭ ماڭىزدى باعىتتارىن قامتىدى. ديزاين جاڭارتىلىپ, جٷرگٸزۋشٸگە كٶمەكتەسەتٸن جٷيەلەر جەتٸلدٸرٸلدٸ. قاشىقتان ٸسكە قوسۋ جەنە قىسقى مٷمكٸندٸكتەر كٶلٸكتٸ بۇرىنعىدان دا قولايلى ەتە تٷستٸ", - دەدٸ نيكيتا بەزۋگلوۆ.
JAC JS6 كٶلٸگٸنە قۋاتى 174 ات كٷشٸنە تەڭ, كٶلەمٸ 1,5 ليترلٸك تۋربينالى بەنزين قوزعالتقىشى ورناتىلعان. اينالۋ مومەنتٸ 280 نم. قوزعالتقىش جەتٸ ساتىلى روبوتتاندىرىلعان بەرٸلٸس قورابىمەن جۇمىس ٸستەيدٸ.
قازاقستان نارىعىندا مودەل ەكٸ نۇسقادا ۇسىنىلادى. Luxury جيناقتاماسىنىڭ باعاسى 9 ميلليون 590 مىڭ تەڭگە بولسا, Intelligent نۇسقاسى 9 ميلليون 990 مىڭ تەڭگەگە باعالانعان.
تانىستىرىلىمنان كەيٸن قوناقتار كٶلٸكتٸڭ سىرتقى پٸشٸنٸن, سالونىن جەنە جابدىقتارىن جاقىننان كٶردٸ.
تەست-درايۆ بٸرنەشە باعىتتا ٶتتٸ
كٶلٸكتەردٸ سىناۋعا كٸرٸسپەس بۇرىن نۇسقاۋشى-پيلوتتار قاتىسۋشىلارعا قاۋٸپسٸزدٸك تالاپتارىن تٷسٸندٸردٸ. بۇدان كەيٸن جٷرگٸزۋشٸلەر بٸرنەشە توپقا بٶلٸنٸپ, ەرتٷرلٸ باعىتقا شىقتى.
تەست-درايۆ off-road, كارتينگ جەنە دريفت جولدارىندا ٶتتٸ. جول تالعامايتىن كٶلٸكتەرگە ارنالعان الاڭدا سۋ ٶتكەلدەرٸ, تٸك ٶرلەر, شۇڭقىرلار مەن بيٸك كەدەرگٸلەر دايىندالعان. قاتىسۋشىلار وسى باعىتتا كٶلٸكتەردٸڭ كٷردەلٸ جولدان ٶتۋ قابٸلەتٸن بايقاپ كٶردٸ.
قالالىق مودەلدەر كارتينگكە ارنالعان تەگٸس جولدا سىنالدى. مۇندا جٷرگٸزۋشٸلەر كٶلٸكتٸڭ جىلدامدىق ٷدەتۋٸن, تەجەلۋٸن جەنە بۇرىلىستاعى تۇراقتىلىعىن تەكسەردٸ. دريفت الاڭىندا كٶلٸكتەردٸڭ شۇعىل قوزعالىس كەزٸندەگٸ باسقارىلۋىنا نازار اۋدارىلدى.
تٷسكٸ ٷزٸلٸستەن كەيٸن توپتار باعىتتارىن اۋىستىرىپ, تەست-درايۆتىڭ ەكٸنشٸ كەزەڭٸنە كٸرٸستٸ. وسىلايشا قاتىسۋشىلار JAC-تىڭ قالالىق جەنە جول تالعامايتىن بٸرنەشە مودەلٸن تٷرلٸ جاعدايدا جٷرگٸزٸپ كٶردٸ.
كٶلٸك جولدى جاقسى ۇستايدى
نۇسقاۋشى-پيلوت ۆلاديمير ماسليۆ JAC J7 كٶلٸگٸنٸڭ تەحنيكالىق مٷمكٸندٸكتەرٸنە توقتالدى. ونىڭ ايتۋىنشا, مودەلگە 1,5 ليترلٸك تۋربينالى قوزعالتقىش پەن ۆارياتور ورناتىلعان.
كٶلٸكتٸڭ جابدىقتارى جيناقتاماسىنا قاراي ٶزگەرەدٸ. كەيبٸر نۇسقالارىندا جول بەلگٸلەرٸن تانۋ, كٶلٸكتٸ جولاقتا ۇستاپ تۇرۋ, بەيٸمدەلەتٸن كرۋيز-باقىلاۋ, تٶتەنشە جاعدايدا اۆتوماتتى تەجەۋ جەنە اينالانى تولىق كٶرسەتەتٸن كامەرالار بار.
"ترەكپەن جٷرٸپ ٶتكەن كەزدە كٶلٸك جولدى جاقسى ۇستايتىنىن كٶرسەتتٸ. باسقارىلۋى مەن تەجەلۋٸ سەنٸمدٸ, جٷرٸسٸ جۇمساق ەرٸ بٸرقالىپتى. بۇرىلىستاردا كۋزوۆ قاتتى قيسايمايدى. جالپى, تەحنيكالىق تۇرعىدان جاقسى كٶلٸك", - دەدٸ نۇسقاۋشى-پيلوت ۆلاديمير ماسليۆ.
قاتىسۋشىلاردىڭ العان ەسەرٸ
بلوگەر-جۋرناليست ەرنار المابەك بۇعان دەيٸن دە بٸرنەشە اۆتوكٶلٸكتٸڭ تەست-درايۆىنا قاتىسقانىن ايتىپ, بۇل جولعى سىناق ەرەكشە ەسەر قالدىرعانىن جەتكٸزدٸ.
ونىڭ سٶزٸنشە, ەر كٶلٸكتٸڭ ەرەكشەلٸگٸ ەسكەرٸلٸپ, سوعان ساي جەكە باعىتتار مەن كەدەرگٸلەر ەزٸرلەنگەن. سونىڭ ارقاسىندا قاتىسۋشىلار كٶلٸكتەردٸ ەرتٷرلٸ جول جاعدايىندا جٷرگٸزٸپ, ولاردىڭ مٷمكٸندٸگٸن جان-جاقتى باعالاي العان.
"تەستٸلەۋ الاڭى كەڭ, قاتىسۋشىلارعا كٶلٸكتەردٸ ەركٸن سىناپ كٶرۋگە مٷمكٸندٸك بەرٸلدٸ. ەدەتتە تەست-درايۆ كەزٸندە مۇنداي جاعداي جيٸ جاسالا بەرمەيدٸ. بۇل جولى ەر كٶلٸكتٸڭ ەرەكشەلٸگٸ ەسكەرٸلٸپ, جولدا كەزدەسۋٸ مٷمكٸن كەدەرگٸلەر الدىن الا دايىندالعان. ماعان ەسٸرەسە وسى تۇسى ۇنادى", - دەدٸ ول.
ەرنار المابەك جول تالعامايتىن كٶلٸكتەر سۋ ٶتكەلدەرٸنەن, دٶڭەستەر مەن ٸرٸ كەدەرگٸلەردەن ەركٸن ٶتكەنٸن اتاپ ٶتتٸ. سونداي-اق قالالىق مودەلدەردٸڭ جىلدامدىعى, بۇرىلىستاعى تۇراقتىلىعى جەنە شاعىن كەدەرگٸلەردەن ٶتۋ مٷمكٸندٸگٸ دە كٶڭٸلٸنەن شىققان.
"JAC JS6 وسىنداي كٷردەلٸ كەدەرگٸلەردەن ٶتە الادى دەپ ويلامادىم. سوڭعى كەدەرگٸ شىنىمەن بيٸك بولدى. ونى تٸپتٸ تاۋلى جەرلەرگە ارنالعان جول تالعامايتىن كٶلٸكتەرگە لايىق سىناق دەۋگە بولادى. JS6 كٶلٸگٸنٸڭ سول جەردەن ٶتكەنٸن كٶرٸپ, ٶزٸم دە جٷرگٸزگەننەن كەيٸن تاڭعالدىم. "مىقتى ەكەن" دەگەن ەسەر قالدىردى. سوندىقتان ونىڭ جٷرٸسٸنە جوعارى باعا بەرۋگە بولادى", - دەدٸ بلوگەر-جۋرناليست.
"سوكول" الاڭىنداعى بٸرنەشە ساعاتقا سوزىلعان تەست-درايۆ بارىسىندا قاتىسۋشىلار JAC كٶلٸكتەرٸنٸڭ جىلدامدىعىن, باسقارىلۋىن, تەجەلۋٸن جەنە كٷردەلٸ جولداردان ٶتۋ مٷمكٸندٸگٸن ٸس جٷزٸندە تەكسەردٸ.
