جاپونييا ٷكٸمەتٸ رەسەي پرەزيدەنتٸ ۆلاديمير پۋتيننٸڭ يتۋرۋپ ارالىنا بارعانىنان كەيٸن مەسكەۋگە قارسى سانكتسييالاردى كٷشەيتۋ مٷمكٸندٸگٸن قاراستىرىپ جاتىر. بۇل تۋرالى NHK تەلەارناسى حابارلادى, دەپ حابارلايدى dalanews.kz.
پۋتين بۇعان دەيٸن ساحالين وبلىسىنا جۇمىس ساپارىمەن بارىپ, ٶڭٸر گۋبەرناتورى ۆالەريي ليمارەنكومەن كەزدەسكەن. كەيٸن ول يتۋرۋپ ارالىنا بارىپ, ەلەۋمەتتٸك نىسانداردىڭ جۇمىسىمەن تانىستى.
NHK مەلٸمەتٸنشە, توكيو رەسەي پرەزيدەنتٸنٸڭ بۇل ساپارىنا جاۋاپ رەتٸندە قانداي شارا قابىلداۋ قاجەتتٸگٸن تالقىلاۋدا. سونىڭ ٸشٸندە جاپونييا حالىقارالىق سەرٸكتەستەرٸمەن بٸرگە ەنگٸزٸپ وتىرعان سانكتسييالىق شەكتەۋلەردٸ قاتاڭداتۋ مەسەلەسٸن قاراستىرىپ جاتىر.
جاپونييانىڭ سىرتقى ٸستەر مينيسترلٸگٸ رەسەيگە رەسمي نارازىلىق بٸلدٸردٸ. ۆەدومستۆو باسشىسى توسيميتسۋ موتەگي وڭتٷستٸك كۋريل ارالدارىن جاپونييانىڭ «اجىراماس اۋماعى» دەپ اتاپ, پۋتيننٸڭ ساپارىن قابىلداۋعا بولمايتىن ەرەكەت رەتٸندە باعالادى. سونداي-اق رەسەيدٸڭ جاپونيياداعى ەلشٸسٸ نيكولاي نوزدرەۆ جاپون سٸم-ٸنە شاقىرىلدى.
ٶز كەزەگٸندە رەسەيلٸك ديپلومات كۋريل ارالدارى رەسەي فەدەراتسيياسىنىڭ اجىراماس بٶلٸگٸ ەكەنٸن مەلٸمدەدٸ. ونىڭ ايتۋىنشا, رەسەي پرەزيدەنتٸنٸڭ ەل اۋماعىنداعى كەز كەلگەن ٶڭٸرگە, سونىڭ ٸشٸندە كۋريل ارالدارىنا جاساعان ساپارى شەت مەملەكەتتەرمەن تالقىلاناتىن مەسەلە ەمەس.
جاپونييا پرەمەر-مينيسترٸ ساناە تاكايتي دە پۋتيننٸڭ يتۋرۋپقا بارۋى توكيونىڭ ۇستانىمىنا قايشى كەلەتٸنٸن ايتتى. ونىڭ پٸكٸرٸنشە, بۇل قادام ەكٸ ەل اراسىنداعى قارىم-قاتىناستى قالپىنا كەلتٸرۋ مٷمكٸندٸگٸن ودان ەرٸ قيىنداتادى.
ال رەسەي قاۋٸپسٸزدٸك كەڭەسٸ تٶراعاسىنىڭ ورىنباسارى دميتريي مەدۆەدەۆ كۋريل ارالدارىنىڭ رەسەيگە تيەسٸلٸ ەكەنٸن مويىندامايتىندارعا «اۋىر سالدار» بولۋى مٷمكٸن ەكەنٸن ەسكەرتتٸ.
رەسەي سىرتقى ٸستەر مينيسترلٸگٸنٸڭ رەسمي ٶكٸلٸ مارييا زاحاروۆا بولسا, جاپون بيلٸگٸنٸڭ رەاكتسيياسىن «رەۆيزيونيستٸك كٶزقاراستىڭ كٶرٸنٸسٸ» دەپ باعالادى. ونىڭ سٶزٸنشە, توكيونىڭ رەسەيگە قاتىستى قازٸرگٸ ساياساتى جاپون حالقىنىڭ مٷددەسٸنە ساي كەلمەيدٸ.
ايتا كەتەيٸك, كۋريل ارالدارىنا قاتىستى اۋماقتىق داۋ ەكٸنشٸ دٷنيەجٷزٸلٸك سوعىستان بەرٸ رەسەي مەن جاپونييا اراسىنداعى نەگٸزگٸ كەلٸسپەۋشٸلٸكتەردٸڭ بٸرٸ بولىپ كەلەدٸ. وسى مەسەلەنٸڭ شەشٸلمەۋٸ ەكٸ ەلدٸڭ تولىققاندى بەيبٸت كەلٸسٸم جاساۋىنا دا كەدەرگٸ كەلتٸرٸپ وتىر.
