– مەملەكەت باسشىسى قاسىم-جومارت توقايەۆ كوروناۆيرۋسپەن كۇرەسۋدىڭ بىردەن-بىر ءارى سەنىمدى جولى ۆاكسينا سالۋ ەكەنىن اتاپ ءوتتى. پتر-تەستتەردى قولدان جاساۋ جانە پايدالانۋ فاكتىلەرى بويىنشا ىشكى ىستەر مينيسترلىگى ءوز قۇزىرەتى شەگىندە قاجەتتى شارالار قابىلداۋدا. كەيبىر ازاماتتار قازىرگى جاعدايدى پايدا تابۋ ءۇشىن پايدالانادى، پتر-تەست ناتيجەلەرى مەن ۆاكسينالاۋ پاسپورتىن قولدان جاسايدى، وسىلايشا كوروناۆيرۋستىڭ تارالۋىنا سەپتەسەدى، – دەلىنگەن ق ر ءىىم باسپا ءسوز قىزمەتىنىڭ حابارلاماسىندا.
ۆەدومستۆونىڭ حابارلاۋىنشا، نەگىزىنەن ساتۋعا ارنالعان ۇسىنىستار ينتەرنەتتە جانە الەۋمەتتىك جەلىلەر مەن مەسسەندجەرلەردە تارالادى.
ال «ساتۋشىلار» ۇنەمى وزگەرىپ وتىراتىن ۆيرتۋالدى تەلەفون نومىرلەرىن ءجيى پايدالانادى. سوندىقتان، ىشكى ىستەر مينيسترلىگى مەن ونىڭ اۋماقتىق بولىمشەلەرىندە جالعان قۇجات ساتۋ تۋرالى جارنامالاردى انىقتاۋ ءۇشىن تۇراقتى باقىلاۋ توپتارى جۇمىس ىستەيدى.
– تەك شىلدە ايىنىڭ باسىنان باستاپ، وسىنداي 41 جارناما انىقتالدى، مۇندا بەلگىلى ءبىر سوماعا ۆاكسينالاۋ تۋرالى جالعان پاسپورتتار نەمەسە تەستىلەردىڭ وڭ نەمەسە تەرىس ناتيجەلەرى بار تەستىلىك فورمالار ۇسىنىلعان. ىشكى ىستەر ورگاندارى جالعان پتر سەرتيفيكاتتارىن جانە ۆاكسينالاۋ ءتولقۇجاتتارىن ساتۋ فاكتىلەرىن انىقتاۋ بويىنشا باسقا دا شارالاردى قابىلداۋدا. پوليسەيلەر جالعان قۇجاتتار بەرۋ فاكتىلەرىن انىقتاۋ ءۇشىن مەديسينالىق ورتالىقتاردى، ەمحانالاردى، ۆاكسينا قابىلداۋ پۋنكتتەرىن تەكسەرۋدى جالعاستىرۋدا، – دەيدى ق ر ءىىم.
جىل باسىنان بەرى ىشكى ىستەر ورگاندارى جالعان پتر تەست ساتۋ جانە پايدالانۋ بويىنشا 25 قىلمىستىق ءىس جانە جالعان ۆاكسينا پاسپورتى بويىنشا 11 ءىس قوزعاعان.
ايتا كەتەيىك، قىلمىستىق قۇقىقبۇزۋشىلىقتىڭ وسى ءتۇرى ءۇشىن ق ر قك 385-بابى («جالعان قۇجاتتاردى، ءمورتابانداردى، مورلەردى، بلانكىلەردى، مەملەكەتتىك ناگرادالاردى قولدان جاساۋ، جاساۋ نەمەسە ساتۋ») بويىنشا 2000 اەك-كە دەيىن ايىپپۇل (5،8 ملن تەڭگە) بەلگىلەنگەن، نەمەسە سول مولشەردە تۇزەۋ جۇمىستارى نەمەسە 600 ساعاتقا دەيىن قوعامدىق جۇمىستارعا تارتۋ نەمەسە 2 جىلعا دەيىن بوستاندىقتى شەكتەۋ نەمەسە سول مەرزىمگە باس بوستاندىعىنان ايىرۋ جازاسى تاعايىندالعان.
ءدال سول ىس-ارەكەتتەر بىرنەشە رەت نەمەسە الدىن-الا ءسوز بايلاسۋ ارقىلى جاسالعان جاعدايدا 4000 اەك (11،6 ملن تەڭگە) ايىپپۇل نەمەسە سول مولشەردە تۇزەۋ جۇمىستارى نەمەسە 1000 ساعاتقا دەيىن قوعامدىق جۇمىستارعا تارتۋ نەمەسە 4 جىلعا دەيىن باس بوستاندىعىنان ايىرۋ بوستاندىقتى شەكتەۋ جولدارىمەن جازالانادى.
– جالعان ۆاكسينالاۋ پاسپورتىن بىلە تۇرا قولدانعاندار ءۇشىن 160 اەك-كە دەيىن ايىپپۇل سالىنادى (467 مىڭ تەڭگە)، نەمەسە سول مولشەردە تۇزەۋ جۇمىستارى نەمەسە 160 ساعاتقا دەيىن قوعامدىق جۇمىستارعا تارتىلادى نەمەسە 40 تاۋلىككە قاماۋعا الىنادى (قىلمىستىق كودەكستىڭ 3-بابى). وسىعان بايلانىستى ىشكى ىستەر مينيسترلىگى ازاماتتارعا ۇندەۋ جاسايدى – ءوزىڭىزدى قىلمىستىق پروسەسكە تارتۋعا جول بەرمەڭىز جانە تۋىستارىڭىز بەن دوستارىڭىزدى قورعاڭىز. جالعان قۇجاتتار الۋعا تىرىسىپ، الاياقتاردىڭ قۇربانى بولۋىڭىز مۇمكىن، – دەپ ەسكەرتتى ىشكى ىستەر مينيسترلىگى.
