سوت زالىنان «ادىرنا» ۇلتتىق پورتالىنىڭ رەداكتورى وڭعار قابدەن تٸكەلەي ەفيردەن حابار تارتتى. وڭعار قابدەننٸڭ ايتۋىنشا, سوتقا ٶتە كٶپ ادام جينالعاندىقتان جۇرت شاعىن زالعا سىيماعان.
سوتقا قاستەر مەن مۇراگەردٸڭ تۋعان-تۋىستارىنان بٶلەك, زايساننىڭ جەرگٸلٸكتٸ باسىلىمىنان جۋرناليستەر, قازاقستاننىڭ تٷرلٸ ايماقتارىنان كەلگەن بەلسەندٸلەر, جەلتوقسانشىلار, بلوگەر ازاماتتار كەلگەن.
تٸكەلەي ەفيردەن بايقاعانىمىزداي, سوت زالى جينالعان قاۋىمعا تارلىق ەتكەن. جينالعاندار سوت زالىنىڭ تارلىعىنا نارازى ەكەنٸن اشىق بٸلدٸرۋدە.
وڭعار قابدەننٸڭ ايتۋىنشا, سوت زالىنا سىيماعان حالىق ٶزدەرٸنٸڭ ٶكٸلدەرٸن جٸبەرٸپ, سىرتتا تۇرۋعا كەلٸسٸم بەرگەن.
سوت بارىسىندا پروكۋرور «شەكارانى زاڭسىز كەسٸپ ٶتتٸ» دەپ ايىپتالعان شىڭجاڭ قازاقتارى قاستەر مەن مۇراگەردٸڭ ەرقايسىسىن بٸر جىلعا سوتتاۋدى سۇرادى. مەملەكەتتٸك ايىپتاۋشى «جەڭٸلدەتٸلگەن مەن-جايلاردى ەسكەرٸپ» ولاردى قىتايعا قايتارماۋدى ٶتٸندٸ.
ال قورعاۋ تارابى ولاردى كٸنەسٸز دەپ تانىپ, قىلمىستىق جاۋاپكەرشٸلٸكتەن بوساتۋدى سۇرادى. ادۆوكات لەززات احاتوۆا ەكٸ جٸگٸتتٸڭ قىتايداعى قىسىمنان قاشىپ, «شەكارانى زاڭسىز كەسٸپ ٶتۋگە» مەجبٷر بولعانىن ايتتى. ال سوتتا ٶزدەرٸنە تاعىلعان ايىپتاردى مويىنداعان قاستەر مۇساحانۇلى مەن مۇراگەر ەلٸمۇلى ٶزدەرٸن قىتايعا قايتارماۋدى سۇرادى. سۋديا وسپانوۆا نۇر-سۇلتان ۋاقىتىمەن 16:00-دە ٷكٸم وقىلاتىنىن ايتىپ, كەڭەسۋ بٶلمەسٸنە كەتتٸ.
