ەكس-مينيستر قۋاندىق بيشٸمباەۆ سالتانات نٷكەنوۆامەن ۇرسىسقان سەتتە نە ٷشٸن كەتٸپ قالماعانىن تٷسٸندٸردٸ, - دەپ حابارلايدى Dalanews.kz.
پروكۋرور ايجان ايماعانوۆا قايعىلى وقيعا بولعان تٷنگٸ جانجال تۋرالى سۇرادى.
"سٸز سالتانات اشۋىڭىزعا تيگەنٸن ايتىپ قالدىڭىز. وندا نەلٸكتەن سالتاناتتى قالدىرىپ, نەگە كەتٸپ قالمادىڭىز? سٸز ەر ادامسىز عوي, سٸز مىقتىراقسىز عوي. سول مەيرامحانادا ٶزٸ تٷنەپ شىقسا دا قالار ەدٸ عوي. ٷيٸڭٸزگە كەتسەڭٸز, مۇنداي نەرسە بولماس ەدٸ عوي", - دەيدٸ پروكۋرور.
بيشٸمباەۆ بۇل ول ٷشٸن قيىن سۇراق ەكەنٸن جەتكٸزدٸ.
"سول كٷننەن بەرٸ "نەگە سولاي ٸستەمەدٸم ەكەن?" دەگەن سۇراق ەلٸ مازالايدى. 9 قاراشادان بەرٸ بٸرنەشە رەت ٶزٸمە وسى سۇراقتى قويامىن. تەك بٸر نەرسە ايتامىن, ول - مەنٸڭ ەيەلٸم, مەن ونى جاقسى كٶرەمٸن, جانجالداسىپ قالدىپ, كٸشكەنە ٸشٸپ العان, قالاي تاستاپ كەتەمٸن مەن ونى? 6 ساعاتتاي سول جەردە بولدىق. بٸرگە شىققانىمىزدى كٶردٸڭٸزدەر. ماس كٷيٸندە قالاي تاستاپ كەتەمٸن? قالاي تٷسٸندٸرەرٸمدٸ دە بٸلمەيمٸن. كەيٸن دەرەتحانادا بولعان جاعداي بار, جالاڭاش قالعانى بار, قالاي تاستاپ كەتەمٸن?", - دەيدٸ بيشٸمباەۆ.
