بۇگىن تۇركىستان وبلىسىنىڭ پروكۋرورى نۇرعالىم ءابدىروۆ ماقتاارال جانە جەتىساي اۋدانىنىڭ اكتيۆىنە جاڭادان تاعايىندالعان اۋدان پروكۋرورلارىن تانىستىردى. جيىنعا ماقتاارال اۋدانىنىڭ اكىمى ب. اسانوۆ، جەتىساي اۋدانىنىڭ اكىمى ج. بەيسەنبايەۆ جانە اۋدان اكتيۆى مەن ب ا ق وكىلدەرى قاتىستى.

وبلىس پروكۋرورى نۇرعالىم ءماجىت ۇلى جاڭادان تاعايىندالعان ەكى پروكۋروردىڭ دا ەڭبەك جولىنا توقتالىپ، جاڭا قىزمەتتە ەكەۋىنە دە ۇلكەن سەنىم ارتىلىپ وتىرعاندىعىن جەتكىزدى.

ايتا كەتەيىك، تۇركىستان وبلىسى ماقتاارال اۋدانىنىڭ پروكۋرورى قىزمەتىنە جۇماعالي جورابەك ۇلى بوتابەكوۆ تاعايىندالىپ وتىر. ج.بوتابەكوۆ 21 شىلدە 1977 جىلى وڭتۇستىك قازاقستان وبلىسى تۇلكىباس اۋدانىندا تۋىلعان. وڭتۇستىك قازاقستان ايماقتىق گۋمانيتارلىق ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن. سىنىپتىق شەنى - ادىلەت كەڭەسشىسى. سوڭعى قىزمەت ورىنى - وڭتۇستىك قازاقستان وبلىسى پروكۋرورىنىڭ اعا كومەكشىسى.

ال، ن.اسقانبەكوۆ – 7 قىركۇيەك 1980 جىلى وڭتۇستىك قازاقستان وبلىسى، شىمكەنت قالاسىندا تۋىلعان. جوعارى ءبىلىمدى. قازاق مەملەكەتتىك زاڭ اكادەمياسىن «قۇقىقتانۋ» ماماندىعى بويىنشا بىتىرگەن.

سىنىپتىق شەنى – ادىلەت كەڭەسشىسى. بۇگىنگە دەيىن ول ماقتاارال اۋدانىنىڭ پروكۋرورى قىزمەتىن ابىرويمەن اتقارىپ كەلگەن.

 

ماقتاارال اۋدانى اكىمىنىڭ باسپا ءسوز قىزمەتى