كۇنى كەشە عانا مەملەكەت باسشىسى قاسىم-جومارت توقايەۆ ەكىباستۇز تۇرعىندارىمەن كەزدەسۋىندە قالا تۇرعىندارى اتىنان كوپبالالى انا ايانا سماعۇلوۆا بالالارعا ارنالعان شىعارماشىلىق ءۇيىن سالۋ تۋرالى ءوتىنىشىن ايتقاندا، وعان پرەزيدەنت قولداۋ بىلدىرگەن بولاتىن. بۇگىن ق ر پرەزيدەنتى اكىمشىلىگىنىڭ ورىنباسارى ءھام حاتشىسى رۋسلان جەلدىباي ماڭىزدى باستامانى كاسىپكەرلەر دە قولداعانىن ءوزىنىڭ الەۋمەتتىك پاراقشاسىندا جازدى.
– مەملەكەت باسشىسىنىڭ تاپسىرماسى بويىنشا وسكەلەڭ ۇرپاقتىڭ شىعارماشىلىق جانە ينتەللەكتۋالدى قابىلەتتەرىن دامىتۋعا ارنالعان الەۋمەتتىك نىساندى سالۋ جونىندە شەشىم قابىلداندى.
نىساندى قارجىلاندىرۋ كوزى تابىلدى. شىعارماشىلىق ءۇيى دەمەۋشىلەردىڭ ەسەبىنەن سالىنادى.
وبلىس اكىمدىگىنە جوبانىڭ جۇزەگە اسىرىلۋىن قاداعالاۋ تاپسىرىلدى، – دەدى رۋسلان جەلدىباي.
