پرەزيدەنت قاسىم-جومارت توقاەۆ توپان سۋ كەتكەن سوڭ ودان زارداپ شەككەن ايماقتار قالپىنا كەلتٸرٸلەتٸنٸن ايتتى, - دەپ حابارلايدى Dalanews.kz.
"تابيعات اپاتىن ەڭسەرەتٸن كٷن الىس ەمەس. توپان سۋ كەتكەن سوڭ ودان زارداپ شەككەن ايماقتار قالپىنا كەلتٸرٸلەدٸ. ەڭ الدىمەن, ازاماتتارعا شىعىندارىن ٶتەۋ ٷشٸن تيٸستٸ ٶتەماقى تٶلەنەدٸ. ٷي-جاي قۇرىلىسى باستالادى, باسپانا بەرٸلەدٸ, بٷلٸنگەن ينفراقۇرىلىم جٶندەلەدٸ. وسى قىرۋار جۇمىس ٶتە از ۋاقىتتا, ياعني جاز بەن كٷزدٸڭ 5-اق ايىندا اياقتالۋعا تيٸس. بٸراق بٸز بٸرلەسٸپ, بۇل شارۋانى ابىرويىمەن اتقارىپ شىعامىز دەپ سەنەمٸن.
الاپات تاسقىننىڭ كەسٸرٸنەن مىڭداعان ادام مال-مٷلكٸنەن ايىرىلىپ, تابىسسىز قالدى. سوندىقتان مەملەكەت ازاماتتاردى قولداۋ ٷشٸن ناقتى شارالار قابىلداپ جاتىر. زارداپ شەككەن ەر شاڭىراققا بٸر رەتتٸك كٶمەك بەرٸلەدٸ. بۇدان بٶلەك, شىعىندى ساناعاننان كەيٸن جويىلعان نەمەسە زاقىمدالعان مٷلٸك ٷشٸن دە ٶتەماقى بەرٸلەدٸ. مەملەكەت بٷلٸنگەن باسپانالاردى جٶندەيدٸ, قيراپ قالعان ٷيلەردٸڭ ورنىنا جاڭاسىن سالادى.
سونىمەن قاتار, ٶزەن جاعاسىنا ٷي سالۋ قاۋٸپتٸ, ونى قايتادان سۋ شايىپ كەتۋٸ مٷمكٸن ەكەنٸن ەسكەرگەن جٶن. سوندىقتان قۇرىلىس سالاتىن جەردٸ تاڭداعاندا ەلدٸ مەكەننٸڭ گيدرولوگييالىق جەنە گەوگرافييالىق ەرەكشەلٸگٸن قاپەردە ۇستاعان ابزال. ەكٸمدٸكتەر تيٸستٸ ەرەجە تالاپتارىن قاتاڭ ساقتاۋعا تيٸس. الداعى اۋقىمدى قۇرىلىس جۇمىستارى جۇرتقا جاڭا مٷمكٸندٸكتەر بەرەدٸ دەپ ويلايمىن", - دەدٸ پرەزيدەنت.
