Prezident Qasym-Jomart Toqaev topan sý ketken soń odan zardap shekken aimaqtar qalpyna keltiriletinin aitty, - dep habarlaidy Dalanews.kz.
"Tabiǵat apatyn eńseretin kún alys emes. Topan sý ketken soń odan zardap shekken aimaqtar qalpyna keltiriledi. Eń aldymen, azamattarǵa shyǵyndaryn óteý úshin tiisti ótemaqy tólenedi. Úi-jai qurylysy bastalady, baspana beriledi, búlingen infraqurylym jóndeledi. Osy qyrýar jumys óte az ýaqytta, iaǵni jaz ben kúzdiń 5-aq aiynda aiaqtalýǵa tiis. Biraq biz birlesip, bul sharýany abyroiymen atqaryp shyǵamyz dep senemin.
Alapat tasqynnyń kesirinen myńdaǵan adam mal-múlkinen aiyrylyp, tabyssyz qaldy. Sondyqtan memleket azamattardy qoldaý úshin naqty sharalar qabyldap jatyr. Zardap shekken ár shańyraqqa bir rettik kómek beriledi. Budan bólek, shyǵyndy sanaǵannan keiin joiylǵan nemese zaqymdalǵan múlik úshin de ótemaqy beriledi. Memleket búlingen baspanalardy jóndeidi, qirap qalǵan úilerdiń ornyna jańasyn salady.
Sonymen qatar, ózen jaǵasyna úi salý qaýipti, ony qaitadan sý shaiyp ketýi múmkin ekenin eskergen jón. Sondyqtan qurylys salatyn jerdi tańdaǵanda eldi mekenniń gidrologiialyq jáne geografiialyq ereksheligin qaperde ustaǵan abzal. Ákimdikter tiisti ereje talaptaryn qatań saqtaýǵa tiis. Aldaǵy aýqymdy qurylys jumystary jurtqa jańa múmkindikter beredi dep oilaimyn", - dedi Prezident.
