مەملەكەت باسشىسى ساۋدا جەنە ينتەگراتسييا مينيسترٸ ارمان شاققاليەۆتٸ قابىلدادى, دەپ حابارلايدى Dalanews.kz.
پرەزيدەنت ساۋدا سالاسىنىڭ قازٸرگٸ جاي-كٷيٸ مەن الداعى دامۋ باعىتتارى تۋرالى ەسەپتٸ تىڭدادى.
مەملەكەت باسشىسىنا 2025 جىلدىڭ قورىتىندىسى بويىنشا ٸشكٸ جالپى ٶنٸمنٸڭ 19 پايىزعا جۋىعى ساۋدا-ساتتىققا تيەسٸلٸ ەكەنٸ باياندالدى. قازاقستان ەكونوميكاسىنىڭ ماڭىزدى سەكتورلارىنىڭ بٸرٸ سانالاتىن سالاعا 1,2 تريلليون تەڭگە ينۆەستيتسييا قۇيىلعان. ال تاۋار اينالىمى 8,9 پايىزعا ۇلعايىپ, 80,3 تريلليون تەڭگەگە جەتكەن.
قاسىم-جومارت توقاەۆقا ەلەكتروندى ساۋدانىڭ دامۋى جٶنٸندە مەلٸمەت بەرٸلدٸ. بىلتىر ونىڭ كٶلەمٸ 3,9 تريلليون تەڭگەنٸ قۇراعان. بۇل – بٶلشەك ساۋدانىڭ 15 پايىزىنا تەڭ. ەلٸمٸزدە 10 لوگيستيكا ورتالىعىنان تۇراتىن جەلٸ قالىپتاستى. استانا مەن الماتى قالالارىندا ەكٸ ٸرٸ فۋلفيلمەنت-ورتالىق سالىنىپ جاتىر.
ساۋدا جەنە ينتەگراتسييا مينيسترلٸگٸ ەلٸمٸزدٸڭ ەكسپورتتىق ەلەۋەتٸن نىعايتۋعا ايرىقشا مەن بەرۋدە. جاھانداعى ەكونوميكالىق سىن-قاتەرلەرگە قاراماستان, سىرتقى نارىققا شىعارىلاتىن شيكٸزاتتىق ەمەس تاۋار تٷرلەرٸ مەن قىزمەتتەر كٶلەمٸ 41 ميلليارد دوللارعا جەتتٸ. ەكسپورتتاۋشىلاردى قارجىلاي قولداۋ تەتٸكتەرٸ ايتارلىقتاي كەڭەيدٸ. اتاپ ايتقاندا, ساقتاندىرۋ سوماسىنىڭ ماكسيمالدى مٶلشەرٸ 1,2 تريلليون تەڭگەگە دەيٸن كٶبەيٸپ, قولداۋ شارالارى ەكٸ ەسە ارتتى.
مەملەكەت باسشىسىنا ەۋرازييالىق ەكونوميكالىق وداق اياسىندا اتقارىلىپ جاتقان جۇمىستار جٶنٸندە ايتىلدى. ەاەو قۇرىلعاننان بەرٸ 70 ساۋدا كەدەرگٸسٸنٸڭ 69-ى جويىلدى. كەلٸسسٶزدەر نەتيجەسٸندە ەلٸمٸزدٸڭ بٸرقاتار مەسەلەگە قاتىستى ۇستانىمى ەسكەرٸلدٸ. ونىڭ قاتارىندا قازاقستان كەسٸپورىندارىنا دەمپينگكە قارسى باج سالىعىن تٶلەمەي, كەيبٸر تاۋار تٷرلەرٸن كٸرگٸزۋگە كۆوتا بەرۋ سەكٸلدٸ ماڭىزدى مەمٸلەلەر بار.
پرەزيدەنت ۆەدومستۆوعا زاماناۋي ساۋدا ەكوجٷيەسٸن قالىپتاستىرۋ, وتاندىق ٶندٸرٸستٸڭ ٶسۋٸنە قولايلى جاعداي جاساۋ, تۇتىنۋشىلاردىڭ قۇقىقتارىن جان-جاقتى قورعاۋ, ەكسپورتتىق ەلەۋەتتٸ نىعايتۋ, سونداي-اق, ەلدٸڭ ەكونوميكالىق مٷددەلەرٸن ٸلگەرٸلەتۋ جٶنٸندە بٸرقاتار مٸندەت جٷكتەدٸ.
