"باستاپقى كەزەڭدە - قازان ايىندا بالالار مەن جۇكتى ايەلدەرگە Pfizer ۆاكسيناسى قولجەتىمدى بولادى، سوندىقتان باسقالار بۇل ۆاكسينادان ۇمىتتەنبەي-اق قويسىن. ءقازىر بارىپ، ەكپە سالدىرتىڭىزدار.
ءبىر اپتادان كەيىن دۇنيەجۇزىلىك دەنساۋلىق ساقتاۋ ۇيىمى ماقۇلداعان قىتايدان تاعى ءبىر ۆاكسينا جەتكىزىلەدى، ونى دۇنيەجۇزىلىك دەنساۋلىق ساقتاۋ ۇيىمى مويىنداعان. ونىمەن دە ەگىلۋگە بولادى، - دەدى ول.
بۇعان دەيىن مينيستر قازاقستاندا كوروناۆيرۋس ينفەكسياسىنا قارسى قايتا ەكپە سالدىرتۋ "ريەۆاكسينالاۋ) قازان ايىندا باستالاتىنىن ايتقان بولاتىن.
"ءيا، ءبىز ريەۆاكسيناسيانى جوسپارلاپ وتىرمىز. ەندى ءبىز ءوز ادىستەرىمىزدى انىقتايمىز. بىلەسىز بە، ريەۆاكسيناسيا ۇعىمى ەكى ءتۇرلى بولادى. ءبىرىنشىسى، شۇعىل جاسالاتىن، ۇجىمدىق يممۋنيتەت الىنعانشا - 60-70%. جوسپارلى ريەۆاكسيناسيا دەگەن بار، ول ادەتتە جىلىنا ءبىر رەت جاسالادى.
ياعني، ءبىز ءقازىر تارقاتىپ وسىنىڭ ءبارىن قاراستىرىپ جاتىرمىز، ويتكەنى قازاقستان ۆاكسينالاۋدى كەيىنىرەك باستادى، اقپاننان باستاپ. نەگىزگى ماسسا ءبىر ۋاقىتتا - ماۋسىم-شىلدە ايلارىندا ۆاكسينالاندى. سوندىقتان بىزدە ءالى دە انتيدەنەلەر بار، نەگىزىنەن جاڭا، دەڭگەيى جوعارى.
سوندىقتان، مۇمكىن، شامامەن توعىز ايدان كەيىن، ەكىنشى دوزانى العاننان سوڭ، ول ءبىزدىڭ كۇنتىزبەگە قوسىلادى.
ەندى ءبىز وسى باعىتتا شەشىم قابىلدايمىز، ماسەلەنى ارىپتەستەرىمىزبەن بىرگە قاراستىرامىز"، - دەدى الەكسەي سوي.
ءبىراق، مينيستر اتاپ وتكەندەي، نەگىزىنەن وتكەن جىلى ۆاكسينا العان ەلدەر ريەۆاكسيناسيا تۋرالى ايتا باستادى.
"بۇل نەگىزىنەن يزرايل، امەريكا قۇراما شتاتتارى، ولار وتكەن جىلى ۆاكسينالاۋ باعدارلاماسىن باستادى، ونىڭ ىشىندە رەسەي دە بار. ولار ۆاكسينانىڭ العاشقى دوزاسىن العانىنا، ايتالىق، توعىز ايدان استام ۋاقىت ءوتتى. سوندىقتان، ءبىز ءۇشىن بۇل كەزەڭدە، بالكىم، ريەۆاكسيناسيا بۇل وزەكتى بولادى، مۇمكىن قازان ايىنا تامان. (...) بۇل - شامامەن 1 قازان"، - دەدى مينيستر.
