كەزدەسۋگە قوعام قايراتكەرلەرٸ, قازاقستان حالقى اسسامبلەياسىنىڭ ٶكٸلدەرٸ قاتىستى.
مەن مۇندا تٷنٸ بويى بولدىم. جاستاردىڭ باسسىزدىعىن كٶرٸپ وتىرمىن. ولار مەكتەپ جانجالىن ٶرشٸتٸپ, جەرگٸلٸكتٸ تۇرعىندارعا زييان كەلتٸردٸ. مەن اقساقالدار مەن جەرگٸلٸكتٸ تۇرعىنداردى بالالاردى بٸر-بٸرٸن قۇرمەتتەۋگە ٷيرەتۋگە شاقىرعىم كەلەدٸ. ٶمٸر بويى وسى جەردە تۇراسىزدار. كٶرشٸسٸزدەر, دوسسىزدار, ەرٸپتەسسٸزدەر. قۋانىش پەن قايعى-قاسٸرەتتە دە بٸرگەسٸزدەر. وسى قۇندىلىقتاردىڭ بارلىعىن بالالارىڭىزعا جەتكٸزۋلەرٸڭٸز كەرەك, - دەدٸ تالعات ٶمٸرەليەۆ.
سونداي-اق, كەزدەسۋدە اۋىل تۇرعىندارى سٶز سٶيلەپ, بٸر-بٸرٸن قۇرمەتتەۋگە شاقىردى.
جاستار – ەلٸمٸزدٸڭ بولاشاعى. بٸز ولاردىڭ تەربيەسٸنە بارىمىزدى سالۋىمىز كەرەك. بٸز مۇندا بەيبٸت-ىنتىماقتا ٷنەمٸ بٸرگە تۇرىپ جاتىرمىز. بٸراق مۇنداي جاعدايلار بٸزدٸ بٷكٸل ەلگە جامان جاعىنان كٶرسەتەدٸ. بۇل – ۇلتارالىق قاقتىعىس ەمەس, قاراپايىم بۇزاقىلىق. مۇنىڭ بەرٸن نيەتٸ تٷزۋ ەمەس ادامدار پايدالانادى. تٸپتٸ, كەزدەيسوق ٶرت كەشەگٸ وقيعانىڭ نەتيجەسٸ سيياقتى كٶرٸندٸ. بٸراق بۇل ولاي ەمەس. بٸر-بٸرٸڭٸزدٸ قۇرمەتتەڭٸزدەر. بٸز بٸر جەردەن, بٸر ەلدەنبٸز. بٸز بٸر ٷلكەن وتباسىمىز, - دەدٸ پەنجٸم اۋىلىنىڭ تۇرعىنى اۋتجان حامراەۆ.
ٶز كەزەگٸندە پانفيلوۆ اۋداندىق پوليتسييا بٶلٸمٸنٸڭ باستىعى اتالعان فاكتٸگە سەيكەس, قر قك 106-بابى 1-تارماعى بويىنشا قىلمىستىق ٸس قوزعالعانىن حابارلادى.
ٶزارا سٶزگە كەلۋدٸڭ سوڭى مەكتەپ وقۋشىلارى اراسىندا تٶبەلەس شىقتى, بۇل بۇزاقىلىققا ەكەلٸپ سوقتى. كەيبٸر ادامدار جاعدايدىڭ مەنٸن تٷسٸنبەستەن, اۋىلدا بۇزاقىلىق جاساي باستادى, بۇل تولقۋعا ەكەلدٸ, - دەدٸ جاندوس كاۆليەۆ.
باس دەرٸگەردٸڭ مەديتسينالىق كٶمەك ساپاسىن باقىلاۋ جٶنٸندەگٸ ورىنباسارى ەرجان قوجاحمەتوۆتىڭ ايتۋىنشا, 2005 جىلعى جاسٶسپٸرٸم اشىق باس سٷيەك-مي جاراقاتىن, اۋىر دەرەجەدەگٸ باس ميىنىڭ جاراقاتىنان كەيٸنگٸ سۋبدۋرالدٸ گەماتوما, 2-3 دەرەجەلٸ تراۆماتيكالىق شوك العان. سونىمەن قاتار ەكٸنشٸ ناۋقاس اشىق باس سٷيەك-مي جاراقاتىمەن ورتاشا اۋىرلىقتا اۋرۋحاناعا تٷستٸ. قازٸرگٸ ۋاقىتتا بالانىڭ جاعدايى تۇراقتى, جانساقتاۋ بٶلٸمٸندە ەم الۋدا, ەسٸن جينادى.
27 قازاندا پانفيلوۆ اۋدانىنىڭ ورتالىق اۋرۋحاناسىنا پەنجٸم كەنتٸنٸڭ مەكتەپ اۋماعىنان دەنە جاراقاتىمەن 16 جاستاعى جاسٶسپٸرٸم تٷستٸ. تەكسەرۋ بارىسىندا 9-10-سىنىپ وقۋشىلارى اراسىندا سٶزگە كەلۋدٸڭ ارتى تٶبەلەسكە ۇلاسىپ, ونىڭ سول كەزدە زارداپ شەككەنٸ انىقتالدى. اتالعان فاكتٸگە سەيكەس, قر قك 106-بابى 2-بٶلٸگٸ بويىنشا قىلمىستىق ٸس تٸركەلدٸ, جانجالعا قاتىسۋشىلاردىڭ بارلىعى انىقتالدى.
الماتى وبلىسىنىڭ دەنساۋلىق ساقتاۋ باسقارماسى 27 قازاندا پانفيلوۆ اۋدانارالىق كٶپسالالى اۋرۋحاناسىنا تٷسكەن 2005 جىلعى وقۋشىنىڭ جالپى جاعدايى اۋىر دەپ باعالاناتىنىن حابارلادى (ول اشىق باس سٷيەك-مي جاراقاتىن الدى).
