نەنسي پەلوسي اقش بيلىك يرەرحياسىندا دجو بايدەن مەن كامالا حارريستەن كەيىنگى ءۇشىنشى ادام. ول كۇنى كەشە تايۆانعا ساپار شەگىپ، قىتايدىڭ قىتىعىنا تيگەنى بەلگىلى.
جۇڭگو بيلىگىنىڭ جۇيكەسىنە ءتيىپ، ترامپتىڭ بايانداماسىن تىكەلەي ەفيردە جىرتىپ تاستاعان ايگىلى پەلوسي حانىمدى جۇرتتىڭ ءبارى بىلەدى. سول كىسىنىڭ زايىبى ماس كۇيىندە كولىك جۇرگىزىپ، باسى داۋعا قالدى.
ءتارتىپ ساقشىلار «پەلوسيدىڭ كۇيەۋى بولساڭىز قايتەمىز، زاڭ بارىمىزگە ورتاق» دەپ ايىپپۇل سالىپ، اباقتىعا قاماپ تاستاپتى. الەمدى ءدۇر سىلكىندىرگەن نەنسي پەلوسي دىم ىستەي الماعان.
ال ءبىزدىڭ ەلدە «جۇمابەكتىڭ باجاسى» ىشپەي-جەمەي جولدى قارسى بەتىنە شىعىپ، كولىك جۇرگىزەتىنى بەلگىلى. ايتپاقشى، «جۇمابەكتىڭ باجاسى» قانداي جازامەن قۇتىلعانىن بىلمەيمىز. ايتەۋىر الەۋمەتتىك جەلىدە حالىقتان كەشىرىم سۇراپ، قاراسىن باتىرعانىن بىلەمىز. وكىنىشكە وراي، ازىرشە بىزدە جازانىڭ اۋىر ءتۇرى وسى بولىپ تۇر.
ايتپاقشى، پەلوسيدىڭ كۇيەۋى قانداي جازا تارتىلعانىن بىلەسىز بە؟ ماس كۇيىندە كولىك جۇرگىزگەن «پەلوسيدىڭ كۇيەۋى» 5 كۇن تەمىر تورعا قامالاتىن بولدى. ەگەر وسى 5 كۇندە ءوزىن دۇرىس ۇستاماي داۋ شىعاراتىن بولسا، قاماۋ مەرزىمى تاعى دا سوزىلۋى بەك مۇمكىن.
«پەلوسيدىڭ كۇيەۋى» تەمىرتوردان شىققاننان كەيىن 3 جىل بويى ءتارتىپ ساقشىلارىنىڭ باقىلاۋىندا بولادى. وسى ارالىقتا ءۇش اي بويى جۇرگىزۋشىلەردىڭ كۋرسىنان ءوتۋى ءتيىس. بۇدان ءساتتى وكەننەن كەيىن پەلوسيدىڭ كۇيەۋىنىڭ كولىگىنە ءتارتىپ ساقشىلارى الكوزاموك قۇرىلعىنا ورناتىپ قويماقشى. بۇل – قۇرىلعى «پەلوسيدىڭ كۇيەۋى» ىشىمدىك ءىشىپ رۋلگە وتىرسا، قۇرىلعى كولىكتىڭ موتورىن بىردەن بۇعاتتاپ، ءتارتىپ ساقشىلارىنا حابار بەرەدى ەكەن. ال ودان كەيىن «پەلوسيدىڭ كۇيەۋىن» قانداي جازا كۇتىپ تۇرعاننىڭ ەلەستەتۋدىڭ ءوزى قيىن.
اقش-تىڭ ءادىل سوتى وسىنداي جازالاردى تاعايىنداي كەلە، «پەلوسيدىڭ كۇيەۋىنە» ماس كۇيىندە كولىك جۇرگىزگەنى ءۇشىن 7 مىڭ دوللار ايىپپۇل سالدى. مۇنى جۇمابەكتىڭ باجاسى ەستىسە توبە شاشى تىك تۇرارتىنى انىق.
مىنە سولاي. اقش زاڭى سەنىڭ قىزمەتىڭ مەن كىمنىڭ كۇيەۋى ەكەنىنە قاراپ، كەڭشىلىك جاسامايدى.
