قازاقستاندا پەداگوگتەردٸ اتتەستاتسييالاۋ جٷيەسٸنە بٸرقاتار ٶزگەرٸستەر ەنگٸزٸلەدٸ, دەپ حابارلايدى Dala News.
وقۋ-اعارتۋ مينيسترلٸگٸنٸڭ مەلٸمەتٸنشە, رەفورمانىڭ نەگٸزگٸ ماقساتى – مۇعالٸمدەردٸڭ ەڭبەگٸن ەدٸل ەرٸ اشىق باعالاۋ جٷيەسٸن قالىپتاستىرۋ جەنە ارتىق تالاپتار مەن نەگٸزسٸز قارجىلىق شىعىنداردى قىسقارتۋ.
جاڭا مودەل پەداگوگتەردٸڭ كەسٸبي نەتيجەلەرٸنە نەگٸزدەلٸپ, باعالاۋ ٷدەرٸسٸ بارىنشا تٷسٸنٸكتٸ ەرٸ وبەكتيۆتٸ فورماتقا كٶشٸرٸلەدٸ.
نەگٸزگٸ ٶزگەرٸستەردٸڭ بٸرٸ – مۇعالٸمدەردٸڭ بٸلٸمٸن باعالاۋ ٷشٸن تەستٸلەۋدٸڭ تولىق الىنىپ تاستالۋى.
الايدا تەستٸلەۋ:
- جاس ماماندار ٷشٸن;
- پەداگوگيكالىق قىزمەتكە قايتا ورالعىسى كەلەتٸندەر ٷشٸن;
- بٸلٸم بەرۋ ۇيىمدارىنىڭ باسشىلارى, ولاردىڭ ورىنباسارلارى جەنە ەدٸسكەرلەر ٷشٸن ساقتالادى.
جاڭا تالاپتارعا سەيكەس, مەكتەپتە كەمٸندە 2 جىل ٷزدٸكسٸز جۇمىس ٸستەگەن پەداگوگتەر بٸلٸكتٸلٸك ساناتىن الۋ ٷشٸن ٶتٸنٸش بەرە الادى. باعالاۋ ولاردىڭ پراكتيكالىق قىزمەت نەتيجەلەرٸ بويىنشا جٷرگٸزٸلەدٸ.
پورتفوليو:
- پەداگوگتٸڭ جەتٸستٸكتەرٸ;
- وقۋشىلاردىڭ نەتيجەلەرٸ;
- ساباق ساپاسى مەن تەربيە جۇمىسىنىڭ كٶرسەتكٸشتەرٸ نەگٸزٸندە قالىپتاستىرىلادى.
سونىمەن قاتار بارلىق دەڭگەيلەر ٷشٸن اۆتورلىق باعدارلامالار مەن وقۋ-ەدٸستەمەلٸك ماتەريالداردى ۇسىنۋ تالابى الىنىپ تاستالادى.
جاڭا جٷيە 2027 جىلدان باستاپ ەنگٸزٸلەدٸ.
وعان دەيٸن ٶتپەلٸ كەزەڭ قاراستىرىلعان. ەگەر پەداگوگ العاشقى ەرەكەتتە قاجەتتٸ بالل جيناي الماسا, ونىڭ قولدانىستاعى ساناتى مەن ٷستەماقىلارى ساقتالادى.
مۇنداي پەداگوگتەردٸڭ اتتەستاتسيياسى 2026–2027 وقۋ جىلىنا اۋىستىرىلىپ, جاڭا ەرەجەلەر بويىنشا, تەستٸلەۋسٸز ٶتەدٸ.
سونداي-اق قايتا تەست تاپسىرۋ (اقىلى نەگٸزدە) تەجٸريبەسٸ دە جويىلادى. بۇعان دەيٸن تٶلەنگەن قاراجات تولىق قايتارىلادى.
قازٸرگٸ ۋاقىتتا جاڭا فورماتتاعى اتتەستاتسييا ەرەجەلەرٸ ەزٸرلەنٸپ جاتىر.
مينيسترلٸك بۇل ٶزگەرٸستەر بويىنشا باق ٶكٸلدەرٸنە ارنالعان بريفينگ ٶتكٸزۋدٸ جوسپارلاپ وتىر.
