پاۆلوداردا بىلتىر قاراشادا حالىق بانكتى توناعان رەسەيلىكتەر بولىپ شىققان، دەپ حابارلايدى Dalanews.kz.
بۇل اقپاراتتى پوليسيا دەپارتامەنتى راستادى. بىلتىر قاراشادا پاۆلوداردا بەلگىسىز بىرەۋلەر بانك پەن جەرتولەنى بايلانىستىراتىن قابىرعانى تەسىپ كىرگەن. قاراقشىلار جالپى سوماسى ميلليارد تەڭگە بولاتىن مۇلىكتى ۇرلاعان. ونىڭ ىشىندە اقشا مەن اشەكەيلەر بار.
بۇگىن پاۆلودار وبلىسىنىڭ پوليسيا دەپارتامەنتى پاۆلودارداعى حالىق بانكىنىڭ بولىمشەسىندە ۇرلىق جاسادى دەگەن كۇدىكتىلەردى انىقتاپ، ۇستاعانىن حابارلادى. ولار رەسەي فەدەراسياسىنىڭ اۋماعىندا ۇستالعان. رەسەي فەدەراسياسىنىڭ ازاماتتارىنا قاتىستى قازاقستاندىق سوتتىڭ شەشىمى بويىنشا قاماۋعا الۋعا سانكسيا بەرىلدى.
ق ر ءىىم حالىقارالىق ۋاعدالاستىقتار اياسىندا رەسەيلىك ارىپتەستەرمەن بىرلەسىپ جەدەل-تەرگەۋ توبى قۇرىلدى. سوتقا دەيىنگى تەرگەۋ جالعاسۋدا، ونىڭ قورىتىندىسى بويىنشا پروسەستىك شەشىم قابىلداناتىن بولادى.
