پاۆلوداردا ٸرٸ سۋپەرماركەتتەردٸڭ بٸرٸ تاۋارلارعا باعا كٶرسەتكٸشتەرٸن قويماعانى ٷشٸن ەكٸمشٸلٸك جاۋاپكەرشٸلٸككە تارتىلدى. كەسٸپكەرگە 200 اەك كٶلەمٸندە ايىپپۇل سالىندى, دەپ حابارلايدى dalanews.kz pavon.kz-كە سٸلتەمە جاساپ.
پاۆلودار وبلىسىنىڭ ساۋدا جەنە تۇتىنۋشىلاردىڭ قۇقىقتارىن قورعاۋ دەپارتامەنتٸنٸڭ مەلٸمەتٸنشە, جىل باسىنان بەرٸ ٶڭٸردە تاۋار باعاسىن كٶرسەتپەگەن 25 كەسٸپكەرلٸك سۋبەكتٸسٸ جاۋاپقا تارتىلعان.
سوڭعى جاعدايلاردىڭ بٸرٸ پاۆلودار تۇرعىنىنىڭ شاعىمىنان كەيٸن انىقتالعان. تۇتىنۋشى قالاداعى ٸرٸ سۋپەرماركەتتەردٸڭ بٸرٸندە بٸرنەشە تاۋاردىڭ باعاسى كٶرسەتٸلمەگەنٸن بايقاپ, دەپارتامەنتكە جٷگٸنگەن.
"تۇرعىننىڭ ٶتٸنٸشٸ نەگٸزٸندە جوسپاردان تىس تەكسەرۋ جٷرگٸزٸلدٸ. نەتيجەسٸندە كەسٸپكەردٸڭ وسىعان ۇقساس زاڭبۇزۋشىلىقتى بٸر جىل ٸشٸندە قايتالاپ جاساعانى انىقتالدى. بۇعان دەيٸن دە وعان ەكٸمشٸلٸك جازا قولدانىلعان. وسىعان بايلانىستى ٸرٸ كەسٸپكەرلٸك سۋبەكتٸسٸ ەكٸمشٸلٸك قۇقىق بۇزۋشىلىق تۋرالى كودەكستٸڭ 193-بابىنىڭ 5-بٶلٸگٸ بويىنشا جاۋاپكەرشٸلٸككە تارتىلىپ, 200 اەك مٶلشەرٸندە ايىپپۇل سالىندى", - دەپ حابارلادى دەپارتامەنت.
ەگەر دٷكەندە تاۋاردىڭ باعاسى كٶرسەتٸلمەسە نەمەسە باعا كٶرسەتكٸشٸ تالاپقا ساي رەسٸمدەلمەسە, تۇتىنۋشى بۇل جاعدايدى تٸركەپ, ساۋدا جەنە تۇتىنۋشىلاردىڭ قۇقىقتارىن قورعاۋ دەپارتامەنتٸنە شاعىمدانا الادى. ٶتٸنٸشكە زاڭبۇزۋشىلىقتى راستايتىن فوتوسۋرەتتەردٸ, كاسسالىق چەكتٸ جەنە باسقا دا دەلەلدەردٸ قوسا ۇسىنعان جٶن.
پاۆلودارداعى دەپارتامەنت گەنەرال دٷيسەنوۆ كٶشەسٸ, 9 مەكەنجايىندا, 3-قاباتتاعى 304-كابينەتتە ورنالاسقان. سونداي-اق تۇرعىندار 55-10-70 جەدەل جەلٸسٸ ارقىلى كەڭەس الىپ, دەپارتامەنتتٸڭ Instagram جەنە Facebook جەلٸلەرٸندەگٸ رەسمي پاراقشالارىنا نەمەسە «ە-ٶتٸنٸش» پورتالى ارقىلى جٷگٸنە الادى.
