پاۆلوداردا كٶپقاباتتى تۇرعىن ٷيدەن ٶرت شىقتى, دەپ حابارلايدى Dalanews.kz.
30 سەۋٸر كٷنٸ 101 قىزمەتٸنە مۋتكەنوۆ كٶشەسٸندەگٸ ٷيدەن ٶرت شىققانى تۋرالى حابارلاما تٷسكەن. وقيعا ورنىنا جەتكەن ٶرت سٶندٸرۋشٸلەر پودەزدە قويۋ تٷتٸندٸ بايقاعان.
ٶرت بٸرٸنشٸ قاباتتاعى پەتەردەن شىققان. قۇتقارۋشىلار جالىندى تەز ارادا سٶندٸرٸپ, ونىڭ باسقا قاباتتارعا تارالۋىنا جول بەرمەدٸ. جالپى 10 شارشى مەتر اۋماقتاعى جيھاز بەن تۇرمىستىق زاتتار جانعان.
قۇتقارۋ جۇمىستارى كەزٸندە 15 ادام, ونىڭ ٸشٸندە 5 بالا سىرتقا شىعارىلدى. تاعى 20 تۇرعىن ٶزدەرٸ قاۋٸپسٸز جەرگە شىققان.
قازٸر وقيعانىڭ سەبەپتەرٸ انىقتالىپ جاتىر.
