Telegram جەلىسىنىڭ نەگىزىن قالاۋشى پاۆەل دۋروۆقا فرانسيادان شىعۋعا تىيىم سالىندى، دەپ حابارلايدى Dalanews.kz.

ول فرانسيا بيلىگىنە بەس ميلليون ەۋرو كەپىلدىك تولەۋى كەرەك. بۇل تۋرالى پاريج پروكۋراتۋراسىنىڭ مالىمدەمەسىندە ايتىلعان.

پروكۋراتۋرانىڭ مالىمدەمەسىندە قۇقىق قورعاۋ ورگاندارىنىڭ تالابى بويىنشا تەرگەۋگە قاجەتتى اقپارات بەرۋدەن باس تارتۋ، كيبەرقىلمىس، اقشانى جىلىستاتۋ، الدىن الا دەكلاراسياسىز كريپتولوگيالىق قۇرىلعىنى اكەلۋ، بالانىڭ سۋرەتتەرىن تاراتۋعا قاتىسۋ سياقتى التى قۇقىق بۇزۋشىلىق تۋرالى ايتىلعان.

قۇجاتتا فرانسيادا الدىن الا تەرگەۋ اقپان ايىندا، ياعني حابارلانعان ۋاقىتتان ەرتە باستالعانى اتالىپ وتكەن. تەرگەۋگە سوت وتىنىشتەرىنە جاۋاپتاردىڭ تولىق بولماۋى سەبەپ بولدى.

پروكۋراتۋرا دۋروۆقا قاتىستى تاعى ەكى تەرگەۋ ءجۇرىپ جاتقانىن حابارلادى. ولارمەن فرانسۋز جاندارمەرياسىنىڭ كيبەر بولىمشەسى مەن كەدەندىك الاياقتىقپەن كۇرەس دەپارتامەنتى اينالىسادى.

سوت شەشىمىنە سايكەس، ەندى ول اپتاسىنا ەكى رەت پوليسياعا كەلىپ، بەلگىلەنىپ وتىرۋى شارت.

ايتا كەتەيىك، پاۆەل دۋروۆ زاڭسىز ترانزاكسيالار جاسايتىن ونلاين-پلاتفورمانى باسقارعانى ءۇشىن 10 جىلعا دەيىن باس بوستاندىعىنان ايىرىلۋى مۇمكىن.

ەسكە سالايىق، پاۆەل دۋروۆ تامىزدىڭ 25-ىنە قاراعان ءتۇنى ازەربايجاننان جەكە ۇشاقپەن كەلە جاتقاندا ۇستالدى. 26 تامىزدا پاريج پروكۋراتۋراسى Telegram پلاتفورماسى ارقىلى جاسالعان قىلمىستارعا قاتىستى شىلدە ايىندا قىلمىستىق ءىس قوزعالعانىن حابارلادى.