قارجى ۆيسە-مينيسترى ەرجان ءبىرجانوۆتىڭ ايتۋىنشا، زاڭسىز جالعا بەرىلگەن پاتەردى انىقتاۋ ءۇشىن مينيسترلىك مەملەكەتتىك ورگاندارمەن، سونىڭ ىشىندە مەملەكەتتىك كىرىستەر كوميتەتىمەن ينتەگراسيالىق جۇيە قۇرعان، دەپ حابارلايدى Dalanews.kz.

زاڭدى تۇردە پاتەرىن جالعا بەرەتىن ازاماتتارعا جەڭىلدەتىلگەن سالىق رەجيمدەرى قاراستىرىلعان:

• جەڭىلدەتىلگەن دەكلاراسيا ارقىلى - 3%؛

• ءوزىن-وزى جۇمىسپەن قامتىعاندار ءۇشىن - 4%؛

• جەكە كاسىپكەر رەتىندە تىركەلمەي، جىلدىق دەكلاراسيا تاپسىراتىندارعا - 10%.

ال تىركەۋسىز پاتەرىن جالعا بەرىپ، سالىق تولەمەگەن ازاماتتارعا ايىپپۇل سالىنادى. تەكسەرىس كەزىندە ەسكەرتۋ العان ادام ءبىر اي ىشىندە تىركەلىپ، سالىق تولەۋگە ءتيىس. مەرزىمدى بۇزعاندارعا 10–15 ايلىق ەسەپتىك كورسەتكىش كولەمىندە ايىپپۇل قاراستىرىلعان.