استانادا ەسٸرتكٸ كونترابانداسى مەن ونىڭ زاڭسىز اينالىمىنا قاتىسى بار قازاقستاننىڭ ەكٸ ازاماتىنا سوت ٷكٸمٸ شىقتى, دەپ حابارلايدى dalanews.kz.
20 جاستاعى قىز اقشالاي سىياقى ٷشٸن تايلاندتان جالپى سالماعى 4,7 كەلٸ كاننابيس ەكستراكتى سالىنعان ەكٸ شابادان جەتكٸزگەن, ول ەسٸرتكٸنٸ تەتتٸلەر رەتٸندە الىپ ٶتۋگە تىرىسقان.
"زاڭسىز جٷك ەلوردا ەۋەجايىنا كەلگەن بويدا تەركٸلەندٸ. سوت وعان 16 جىلعا باس بوستاندىعىنان ايىرۋ جازاسىن تاعايىندادى", - دەپ جازىلعان حابارلامادا.
سونىمەن قاتار, 39 جاستاعى ەر ادام 2024 جىلعى كٶكتەمدە ەسٸرتكٸنٸ حالىق تۇتىناتىن تاۋارلار رەتٸندە جاسىرىپ, تايلاندتان قازاقستانعا پوشتا قىزمەتٸ ارقىلى جٸبەرۋ سحەماسىن ۇيىمداستىرعان. ەسٸرتكٸ جٸبەرۋشٸگە ٸزدەۋ جارييالانىپ, ول 8 جىلعا باس بوستاندىعىنان ايىرىلدى. ٷكٸمدەر زاڭدى كٷشٸنە ەنگەن جوق.
