قازاقستاندا پاسپورتتى ونلاين قايتا رەسٸمدەۋ قىزمەتٸ بيىل ٸسكە قوسىلۋى مٷمكٸن. بۇل تۋرالى جاساندى ينتەللەكت جەنە تسيفرلىق دامۋ بٸرٸنشٸ ۆيتسە-مينيسترٸ روستيسلاۆ كونياشكين مەلٸمدەدٸ, دەپ حابارلايدى dalanews.kz.
ونىڭ ايتۋىنشا, ناقتى مەرزٸم ەزٸرگە بەلگٸسٸز. بارلىعى جەكە كۋەلٸكتٸ ونلاين قايتا رەسٸمدەۋ بويىنشا پيلوتتىق جوبانىڭ نەتيجەسٸنە بايلانىستى بولماق.
«بيىل ٸسكە قوسىلمايدى دەپ ايتا المايمىن. ەگەر جٷيەنٸڭ دايىن ەكەنٸنە كٶز جەتكٸزسەك, قىزمەتتٸ وسى جىلدىڭ ٶزٸندە ٸسكە قوسۋىمىز مٷمكٸن», – دەدٸ ۆيتسە-مينيستر.
قازٸر ۆەدومستۆو جەكە كۋەلٸكتٸ ونلاين جاڭارتۋ قىزمەتٸن سىناق رەجيمٸندە جٷرگٸزٸپ جاتىر. ەزٸرگە بۇل مٷمكٸندٸك قۇجاتتىڭ قولدانىلۋ مەرزٸمٸ اياقتالعان جاعدايدا عانا قولجەتٸمدٸ. كونياشكيننٸڭ سٶزٸنشە, قىزمەت تولىق جەتٸلدٸرٸلگەننەن كەيٸن ونى باسقا قۇجاتتارعا دا ەنگٸزۋ جوسپارلانىپ وتىر. ونىڭ ٸشٸندە پاسپورتتى ونلاين قايتا رەسٸمدەۋ جەنە جەكە كۋەلٸكتٸ ٶزگە دە جاعدايلاردا جاڭارتۋ مٷمكٸندٸگٸ قاراستىرىلۋدا. بولاشاقتا بۇل قىزمەتتٸ قۇجات جوعالعان كەزدە, تەگٸ ٶزگەرگەن جاعدايدا جەنە باسقا دا سەبەپتەر بويىنشا پايدالانۋ مٷمكٸندٸگٸ زەرتتەلٸپ جاتىر.
ۆيتسە-مينيستر مەملەكەتتٸك قىزمەتتەردٸ تسيفرلاندىرۋ جۇمىستارى جالعاسىپ جاتقانىن اتاپ ٶتتٸ. قازٸر حالىققا قىزمەت كٶرسەتۋ ورتالىقتارىنا تٷسەتٸن ٶتٸنٸشتەردٸڭ شامامەن 79 پايىزىن قۇرايتىن ەڭ سۇرانىسقا يە 10 قىزمەتتٸ ونلاين فورماتقا كٶشٸرۋ جۇمىستارى اياقتالۋعا جاقىن.
سونىمەن قاتار شەتەل ازاماتتارىنا جەكە سەيكەستەندٸرۋ نٶمٸرٸن (جسن) بەرۋ قىزمەتٸن دە ونلاين فورماتقا كٶشٸرۋ مەسەلەسٸ قاراستىرىلىپ جاتىر.
بۇدان بٶلەك, تاعى 12 مەملەكەتتٸك قىزمەت تولىقتاي تسيفرلىق فورماتقا اۋىستىرىلماق. مۇنداي جاعدايدا ازاماتتار قىزمەتتٸ حقكو قىزمەتكەرٸ ارقىلى ەمەس, ٶزٸنە-ٶزٸ قىزمەت كٶرسەتۋ ايماعىندا مامانداردىڭ كەڭەسٸمەن رەسٸمدەي الادى.
