الماتىنىڭ بۇرىنعى پوليسيا باسشىسىنا قاتىستى تەرگەۋ توقتاتىلدى، - دەپ حابارلايدى Dalanews.kz.
بۇل تۋرالى قازاقستاننىڭ ىشكى ىستەر مينيسترلىگى حابارلاعان.
2022 جىلدىڭ شىلدەسىندە الماتى پوليسيا دەپارتامەنتىنىڭ مەنشىكتى قاۋىپسىزدىك باسقارماسىنا الماتى قالاسى اكىمشىلىك پوليسيا باسقارماسىنىڭ تىركەۋ-ەمتيحان جۇمىسى ءبولىمىنىڭ بۇرىنعى باستىعى پارا بەرگەن دەگەن ارىز تۇسكەن.
"ماتەريالدار ءىستى تولىققاندى زەرتتەۋ ءۇشىن الماتىنىڭ انتيكوررۋپسيالىق قىزمەتىنە بەرىلدى. 2022 جىلى 27 ساۋىردە الماتى قالاسى بويىنشا سىبايلاس جەمقورلىققا قارسى قىزمەتتىڭ 35-بابى، 1-بولىگى، 2-تارماعى (ىس-ارەكەتىندە قىلمىستىق قۇقىق بۇزۋشىلىق قۇرامى بولماعاندىقتان) نەگىزىندە ن. ا. امانبەككە قاتىستى سوتقا دەيىنگى تەرگەپ-تەكسەرۋ توقتاتىلدى"، - دەيدى ءىىم باسپا ءسوز قىزمەتى وكىلدەرى.
ەسكە سالايىق، بيىل اقپاندا الماتىدا قالالىق پوليسيا دەپارتامەنتى مەن ونىڭ قىزمەتتەرىنىڭ باسشىلارى، سونداي-اق قالالىق دەپارتامەنتتىڭ ءبىرقاتار جاۋاپتى قىزمەتكەرلەرى قىزمەتىنەن بوساتىلعانى حابارلانعان بولاتىن. بۇل 2023 جىلعى قىلمىستىق ىستەر بويىنشا تاركىلەنگەن قارۋدى ۇرلاۋ فاكتىلەرى بويىنشا قىزمەتتىك تەكسەرۋ قورىتىندىلارى كەزىندە بەلگىلى بولدى.
كەيبىر دەرەككوزدەردە الماتى پوليسيا دەپارتامەنتىنىڭ قىزمەتكەرلەرى قاڭتار ايىنداعى وقيعالار كەزىندە بۇرىن تاركىلەنگەن 27-دەن استام اتىس قارۋىن ۇرلاپ اكەتكەنى تۋرالى حابارلانعان. سونداي-اق، پوليسيا قىزمەتكەرلەرىنىڭ ءبىرى قاشىپ كەتكەنى ايتىلدى.
