اپەللياسيالىق سوت سۇلتانبەكوۆتىڭ ادامگەرشىلىك مىنەزدەمەسى مەن وتباسىلىق جاعدايىن جانە تاعى باسقا جاقتارىن ەسكەرە كەلە وسىنداي ۇكىم كەسكەن.قانات سۇلتانبەكوۆ قازاقستان سوتىندا ازىرگە ەڭ ءىرى ايىپپۇل ارقالاپ، بوستاندىققا شىعىپ وتىر. ول مەملەكەت قازىناسىنا 2 ميلليارد 139 ميلليون 500 مىڭ تەڭگە تولەۋدى موينىنا الدى. بىلتىر قاراشا ايىندا توپ-مەنەدجەر سوت ۇكىمىمەن 10 جىلعا قامالعان بولاتىن.
ول استانا قالاسى اكىمىنىڭ ورىنباسارى بولعان تۇستا، يزرايلدىك كاسىپكەرمەن اۋىز جالاسقان. ءسويتىپ، مەملەكەتتىك تەندەردى ۇتىپ بەرگەنى ءۇشىن بيزنەسمەننەن 178 ميلليون تەڭگە پارا الىپتى. ال «قازاقستان ينجينيرينگكە» قىزمەت اۋىستىرعان سوڭ، ورالدىق زاۋىتتىڭ باسشىسىمەن جىمداسىپ، 286 ميليونعا كەنەلگەن. كەيىن قارسى شاعىم ءتۇسىرىپ، 1 ميلليارد تەڭگە ايىپپۇل تولەپ بەرەتىنىن مالىمدەپتى. اپەللياسيالىق سوت ونىڭ دايەكتەرىن ەسكەرە كەلە، ايىپپۇلىن ەكى ەسەلەپ، ءوزىن بوساتۋ تۋرالى ۇكىم شىعارعان.
– قىلمىستىق قۇقىق بۇزۋشىلىقتى اشۋ مەن تەرگەۋ شارالارىنا، قىلمىستىق ارەكەتتىڭ باسقا دا قاتىسۋشىلارىن انىقتاۋعا، بۇرىن تەرگەۋگە بەلگىسىز بولعان قىلمىستىق قۇقىق بۇزۋشىلىقتار تۋرالى دەرەكتەردى تاۋىپ بەرۋگە بەلسەندى اتسالىسقان.
جالپى، جازانى ايىپپۇلمەن وتەۋ تاجىريبەسى ءبىزدىڭ سوت جۇيەسىندە بۇرىننان بار. ۇكىمەتتى باسقارعان سەرىك احمەتوۆ 17 ميلليون تەڭگە وتەسە، 3 جىل بۇرىن تابيعي مونوپوليالاردى رەتتەۋ كوميتەتىنىڭ بۇرىنعى باسشىسى مۇرات وسپانوۆ 1 ميلليارد 101 ميلليون تەڭگەنى ءوز قالتاسىنان شىعاردى. سۇلتانبەكوۆپەن بىرگە سوتتالعان اسكەري وكىلدىكتەر ورتالىعىنىڭ باستىعى مۇحتار قارابەكوۆتىڭ ايەلى ۇكىممەن ءتىپتى كەلىسپەيدى. ايتۋىنشا، كۇيەۋىنىڭ ەش كىناسى جوق. تەرگەۋشىلەر ونى مويىنداتپاق بولىپتى. ويتكەنى، قىلمىس بولدى دەگەن ارالىقتا ول رەسەيدە جۇرگەن ەكەن. ال قىلمىسىن تەرگەۋشىلەر قولدان جاساعان دەيدى.
– ءۇش اي تەرگەۋ اباقتىسىندا وتىردى. ايىپ ويدان قۇراستىرىلعان. زاڭسىزدىق پەن قولدان جاسالعان دۇنيە كوپ، – دەيدى م. قارابەكوۆتىڭ زايىبى فاريدا قارابەكوۆا.
جالپى، سۇلتانبەكوۆ ءىسى بويىنشا ەكس-شەنەۋنىكتىڭ وزىنەن بولەك 8 ادام سوتتالعان. ونىڭ ءبىرى يزرايل ازاماتى. قالعان 7 ادام 3 جىلدان 7 جىلعا دەيىن جازا ارقالاعان.
ال الماتى مەن استانادان تاڭداپ تۇرىپ 158 پاتەر الۋعا بولاتىن اقشانى قانات سۇلتانبەكوۆ ءوز قالتاسىنان شىعاراتىن بولدى. ءقازىردىڭ وزىندە ول 100 ميلليون تەڭگەدەن استام قاراجاتتى قارجى مينيسترلىگىنىڭ ەسەپشوتىنا اۋدارىپ قويىپتى. قالعان قارىزىن تەز ارادا جابۋى ءتيىس. وسىنداي ايىپپۇلمەن قۇتىلۋ جولىن تۋىستارىنىڭ ايتۋىنشا، قارابەكوۆكە دە ۇسىنعان ەكەن. ۇكىمگە كەلىسپەگەن ولار ەندى كاسساسيالىق سوتقا جۇگىنبەكشى.
https://dalanews.kz/33766
