ەكىباستۇز قالاسى توتەنشە جاعدايلار باسقارماسىنىڭ باستىعى سوتتالدى، – دەپ حابارلايدى Dalanews.kz.
بيىل 31 ناۋرىزدا پاۆلودار وبلىسىندا ەكىباستۇز قالالىق سوتى ەكىباستۇز قالاسى توتەنشە جاعدايلار باسقارماسىنىڭ باستىعى د.كۋكونيەۆكە، ونىڭ ورىنباسارى ج.مايمانوۆقا جانە كاسىپكەر ب.جۇماشيەۆكە ۇكىم شىعاردى.
كۋكونيەۆ پەن مايمانوۆ جۇماشيەۆتەن ونىڭ كاسىپورنىنا قاتىستى مەملەكەتتىك ەمەس ورتكە قارسى قىزمەت كورسەتۋ شارتتارىن جاساسقانى ءۇشىن جالپى سوماسى 7،4 ملن تەڭگەگە بىرنەشە رەت پارا العانى ءۇشىن كىنالى دەپ تانىلدى.
سوت ۇكىمىمەن كۋكونيەۆ 7 جىل 6 ايعا، مايمانوۆ پەن جۇماشيەۆ 7 جىلعا باس بوستاندىعىنان ايىرىلدى.
سونداي-اق، ولار ءومىر بويى مەملەكەتتىك قىزمەتتە جانە كۆازيمەملەكەتتىك سەكتوردا قىزمەت اتقارۋ قۇقىعىنان ايىرىلدى.
"كۋكونيەۆ ازاماتتىق قورعانىس پولكوۆنيگى، مايمانوۆ ازاماتتىق قورعانىس مايورى ارنايى اتاعىنان ايىرىلدى"، - دەپ جازىلعان حابارلامادا.
سوت اكتىسى زاڭدى كۇشىنە ەنگەن جوق.
