تاياۋدا Ranking.kz سايتى 2020 جىلى قازاقستان بانكتەرى دەپوزيت پورتفەلىنىڭ قالاي وزگەرگەنىنە شولۋ جاساعان بولاتىن. ماتەريالداعى دەرەككە قاراعاندا، كوروناۆيرۋس پاندەمياسى كەزىندە ەكىنشى دەڭگەيلى بانكتەر شىعىنعا باتۋ بىلاي تۇرسىن، كليەنتتەر سالىمىن كوبەيتىپ ۇلگەرىپتى.
ايتالىق، جىل باسىنان بەرى بانك سەكتورىنداعى دەپوزيت بازاسى 2،96 ترييليون تەڭگەگە كوبەيىپ، 20،94 تريلليونعا جەتكەن، ونىڭ 2،36 تريلليون تەڭگەسى ەلدەگى ەڭ ءىرى ون بانككە تيەسىلى.
دەپوزيت كولەمى بويىنشا ءبىرىنشى ورىندا Halyk Bank تۇر. پاندەميا كەزىندە بانككە سالىم سالىپ، قارجاتىن سەنىپ تاپسىرعاندار سانى بويىنشا Halyk Bank كوش باستاعان. 2020 جىلدىڭ باسىنان بەرى بانكتەگى دەپوزيت جيناقتارى 633،6 ميلليارد تەڭگەگە ارتىپ، 7،1 تريلليون تەڭگەگە جەتكەن.
ياعني، جىل بويعى دەپوزيت ارتۋى كورسەتكىشىندەگى Halyk Bank ۇلەسى 21،4%ء-تى قۇرايدى. ال سالىمشىلار وسىمىندەگى بۇل بانكتىڭ ۇلەسى 26،9%-كە تەڭ.
ال زاڭدى تۇلعالار سالىمى جونىنەن دە Halyk Bank الدىڭعى ورىندا. بيىل بانكتەگى زاڭدى تۇلعالار دەپوزيتى كولەمى 310،6 ميلليارد تەڭگەگە ارتىپ، 3،57 تريلليون تەڭگەگە جەتتى.
جەكە تۇلعالاردىڭ سالىمى بويىنشا Kaspi Bank (+357،8 ملرد تگ.، 1،88 ترلن تەڭگەگە دەيىن وسكەن)، Halyk Bank (+323 ملرد تگ.، 3،49 ترلن تەڭگەگە دەيىن وسكەن) جانە تۇرعىن ءۇي قۇرىلىس جيناق بانكى (+121،1 ملرد تگ، تەڭگەگە دەيىن وسكەن) العاشقى ۇشتىكتە.
جىل باسىنان بەرى ەكىنشى دەڭگەيلى بانكتەردەگى كورپوراتيۆ سالىمى 1،8 تريلليون تەڭگەگە، ال جەكە سالىمدار 1،16 تەڭگەگە ارتىپتى. نارىقتاعى ءىرى بانك Halyk Bank ەكى سالىم ءتۇرىنىڭ ارتۋى جونىنەن كوش باستاپ تۇر. ونىڭ سەبەبى مىنادا:
- [perfectpullquote align="full" bordertop="false" cite="" link="" color="" class="" size=""]
- بانك حالىققا ءتۇرلى ىڭعايلى شارتتارى بار دەپوزيتتەر ۇسىنادى؛
- شاعىن جانە ورتا بيزنەستى قوسا العاندا بيزنەس ءۇشىن مەرزىمدى جانە شارتتى سالىمدار قاراستىرىلعان؛
- اعىمداعى شوتتار مەن جالاقى جوبالارىن جۇرگىزۋ ءۇشىن قولايلى جاعداي بەرەدى.
[/perfectpullquote]
بانكتىڭ مۇنداي تۇراقتى ءوسۋىن Fitch Ratings (BB+)، Moody’s Investors Service (Ba1)، Standard and Poor’s (BB) سياقتى الەمدەگى جەتەكشى رەيتينگ اگەنتتىكتەرىنىڭ جوعارى سەنىمدىلىك رەيتينگىسىمەن بولادى.
وعان قوسا، Halyk Bankء-تىڭ اكتيۆ تابىستىلىعى بانك سەكتورىنداعى ورتاشا كورسەتكىشتەن جوعارى. ەلدەگى ەكىنشى دەڭگەيلى بانكتەردىڭ قاڭتار-قازان ارالىعىنداعى اكتيۆ تابىستىلىعى 2،2% بولسا، Halyk Bank-تىكى – 2،6%-دى قۇراعان. كاپيتال كورسەتكىشى دە جوعارى، ونىڭ نارىقتاعى ورتاشا كورسەتكىشى 17،8% بولسا، بۇل بانكتە 19،3%-كە جەتكەن.
