اۋعانستان مەن پەكٸستان اراسىنداعى جاعداي قايتا ۋشىعىپ, تاراپتار بٸر-بٸرٸنە سوققى جاسادى. پەكٸستان بيلٸگٸنٸڭ مەلٸمدەۋٸنشە, ەلدٸڭ قارۋلى كٷشتەرٸ بەيسەنبٸ كٷنٸ اۋعاندىق "تاليبان" قوزعالىسى جاساعان شابۋىلعا جاۋاپ قايتارعان, دەپ حابارلايدى Dalanews.kz.
پەكٸستاننىڭ اقپارات جەنە راديوحابار تاراتۋ مينيسترلٸگٸ بۇل ەرەكەتتٸ "اۋعانستانداعى تاليبان رەجيمٸنٸڭ ارانداتۋسىز قادامىنا بەرٸلگەن جەدەل ەرٸ تيٸمدٸ جاۋاپ" دەپ باعالادى. رەسمي يسلاماباد ٶز اۋماقتىق تۇتاستىعى مەن ازاماتتارىنىڭ قاۋٸپسٸزدٸگٸن قورعاۋ ٷشٸن بارلىق قاجەتتٸ شارانى قابىلدايتىنىن مەلٸمدەدٸ.
پەكٸستان تاراپىنىڭ دەرەگٸنشە, ولاردىڭ ەسكەرٸ چيترال, حايبەر, موحماند, كۋررام جەنە بادجاۋر اۋداندارىندا تاليبتەرگە قارسى سوققىلاردى جالعاستىرىپ جاتىر. يسلاماباد 72 اۋعان تاليبىنىڭ جويىلعانىن, تاعى كٶپتەگەن ادامنىڭ جارالانعانىن جەنە بٸرنەشە ەسكەري نىسان مەن قارۋ-جاراقتىڭ تالقاندالعانىن حابارلادى.
الايدا اۋعانستان بۇل مەلٸمەتتەردٸ راستامادى. كابۋلدىڭ مەلٸمدەۋٸنشە, قاقتىعىس سالدارىنان سەگٸز اۋعان ساربازى قازا تاۋىپ, 11-ٸ جارالانعان. سونىمەن بٸرگە پەكٸستان كٷشتەرٸ نانگارحارداعى بوسقىندار لاگەرٸنە سوققى جاساعان كەزدە 13 بەيبٸت تۇرعىن, ونىڭ ٸشٸندە ەيەلدەر مەن بالالار جاراقات العانى ايتىلدى.
بۇعان دەيٸن بەيسەنبٸ كەشٸندە اۋعان ەسكەرٸ پەكٸستان پوزيتسييالارىنا قارسى شابۋىل باستاعان. كابۋل بۇل وپەراتسييانى دەمالىس كٷندەرٸ پەكٸستان اۋماعىنان اۋعانستانداعى نىساندارعا جاسالعان ەۋە سوققىلارىنا جاۋاپ رەتٸندە تٷسٸندٸردٸ. شابۋىل سالدارىنان كەمٸندە 18 ادام قازا تاپقان ەدٸ. اۋعانستان قورعانىس مينيسترلٸگٸ جاۋاپ سوققىلارى شەكارا بويىنداعى التى پروۆينتسييادا جٷرگٸزٸلگەنٸن حابارلادى.
پەكٸستان دەمالىس كٷندەرٸ اۋعانستان اۋماعىنا جاساعان سوققىلارىن "پەكٸستان تاليبانى" (Tehrik-e-Taliban Pakistan, TTP) لاگەرلەرٸنە, ونىڭ بٶلٸمشەلەرٸنە جەنە "يسلام مەملەكەتٸمەن" بايلانىستى توپتارعا قارسى باعىتتالعانىن مەلٸمدەگەن. يسلاماباد بۇل ۇيىمداردى ەل ٸشٸندەگٸ بٸرقاتار شابۋىلعا جاۋاپتى دەپ ايىپتادى.
كەيٸنگٸ اپتالاردا پەكٸستاندا بٸرنەشە ٶلٸمگە ەكەلگەن شابۋىلدار تٸركەلگەن. بيلٸك ولاردى اۋعانستان اۋماعىندا ورنالاسقان توپتاردىڭ "جەتەكشٸلەرٸ مەن ٷيلەستٸرۋشٸلەرٸنٸڭ نۇسقاۋىمەن" جاسالعان دەپ سانايتىنىن ايتتى.
ەسكە سالايىق, بىلتىر قازان ايىنان بەرٸ ەكٸ ەل اراسىندا تۇراقسىز بٸتٸم ساقتالىپ كەلگەن. الايدا جەلتوقسان ايىنىڭ باسىندا دا تاراپتار شەكارا بويىندا قارقىندى اتىس الماسقان بولاتىن.
