كەشە شوقان ءۋاليحانوۆ اتىنداعى اسكەري كوللەدجدىڭ 1-كۋرس ستۋدەنتى تاۋلىكتىك كەزەكشىلىك مىندەتىن وتەۋ كەزىندە وزىنە وق اتىپ مەرت بولدى، دەپ حابارلايدى Dalanews.kz.
"13 اقپاندا ش. ءۋاليحانوۆ اتىنداعى اسكەري كوللەدجدە 1-كۋرس كادەتى تاۋلىكتىك كەزەكشىلىك مىندەتىن وتەۋگە كىرىسۋ بارىسىندا بەكىتىلگەن قارۋدان وز-وزىنە وق اتىپ، مەرت بولدى. وسى فاكت بويىنشا قىلمىستىق ءىس قوزعالدى"، – دەلىنگەن قورعانىس مينيسترلىگىنىڭ رەسمي مالىمدەمەسىندە.
وقيعانىڭ سەبەبى مەن ءمان-جايى انىقتالىپ جاتىر. تەرگەۋ مۇددەسىنە سايكەس باسقا اقپارات جاريا ەتىلمەيدى.
"قورعانىس مينيسترلىگى باسشىلىعى جانە اسكەري كوللەدجدىڭ جەكە قۇرامى كادەتتىڭ وتباسى مەن جاقىندارىنا قايعىلارىنا ورتاقتاسىپ كوڭىل ايتادى"، - دەلىنگەن حابارلاماسىندا.
