الماتى وبلىسىندا كٷيەۋٸن پىشاقتاپ ٶلتٸردٸ دەپ ايىپتالعان 38 جاستاعى ەيەل سوتتا اقتالىپ شىقتى. القابيلەر ونىڭ ەرەكەتٸن ٶزٸن قورعاۋ جاعدايىندا جاسالعان دەپ باعالاعان. الايدا مارقۇمنىڭ تۋىستارى بۇل شەشٸممەن كەلٸسپەي, اپەللياتسيياعا جٷگٸنۋگە دايىندالىپ جاتىر, دەپ حابارلايدى dalanews.kz.
كتك تەلەارناسىنىڭ جازۋىنشا, قايعىلى وقيعا ٷش ايدان استام ۋاقىت بۇرىن شەڭگەلدٸ اۋىلىندا بولعان. وتباسىلىق جانجال كەزٸندە ەيەل كٷيەۋٸنٸڭ جٷرەك تۇسىنا اس ٷي پىشاعىن سۇققان. دەۋرەن رىسقۇلوۆ العان جاراقاتىنان وقيعا ورنىندا كٶز جۇمعان.
مارقۇم ەسكەري سالادا ەڭبەك ەتكەن. ەرلٸ-زايىپتى 16 جىل بٸرگە تۇرعان, تٶرت بالاسى بار. وقيعا كەزٸندە ەيەلدٸڭ جٷكتٸ بولعانى دا ايتىلدى.
العاشىندا ٸس قىلمىستىق كودەكستٸڭ «ادام ٶلتٸرۋ» بابى بويىنشا تەرگەلگەن. كەيٸن ٸس سوتقا جەتٸپ, القابيلەر ەيەلدٸ كٸنەسٸز دەپ تانىدى.
الماتى وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ مەلٸمەتٸنشە, ەيەل قر قك 99-بابىنىڭ 1-بٶلٸگٸ بويىنشا تاعىلعان ايىپتان اقتالدى. وسىعان بايلانىستى ونىڭ قاماۋدا ۇستاۋ تٷرٸندەگٸ بۇلتارتپاۋ شاراسى دا جويىلعان.
سونىمەن قاتار جەبٸرلەنۋشٸ تاراپتىڭ مورالدىق جەنە ماتەريالدىق زيياندى ٶندٸرۋ تۋرالى ازاماتتىق تالابى قاناعاتتاندىرىلماعان.
مارقۇمنىڭ اناسى سوت شەشٸمٸن ەدٸلەتسٸز دەپ سانايتىنىن ايتتى.
"جالعىز ۇلىم ەدٸ. ٷيٸمنٸڭ تٸرەگٸ بولاتىن. ونىڭ قازاسىنان كەيٸن ەيەلدٸڭ سوت زالىنان ەركٸن شىعىپ كەتكەنٸ مەن ٷشٸن ٶتە اۋىر بولدى", – دەدٸ ەسەم رىسقۇلوۆا.
ال ايىپتالۋشىنىڭ ادۆوكاتى وتباسىندا ۇزاق جىلدار بويى تۇرمىستىق زورلىق-زومبىلىق بولعانىن مەلٸمدەدٸ.
زاڭگەر عالىم نۇرپەيٸسوۆتٸڭ ايتۋىنشا, وقيعا كٷنٸ مارقۇم ەيەلٸنە كٷش قولدانعان. ونىڭ سٶزٸنشە, ەيەل ٷيدەن قاشىپ شىعىپ, كٷيەۋٸنٸڭ تۋىستارىنان كٶمەك سۇراعان جەنە پوليتسييا شاقىرۋدى ٶتٸنگەن.
ادۆوكات سونداي-اق ەيەلدٸڭ پىشاقتى ٶزٸن قورعاۋ ماقساتىندا قولدانعانىن العا تارتتى. ونىڭ ايتۋىنشا, بۇعان دەيٸن دە كٷيەۋٸ ەيەلدٸ بٸرنەشە رەت تۇنشىقتىرۋعا ەرەكەت جاساعان.
بۇل – قورعاۋشى تاراپتىڭ نۇسقاسى. وقيعاعا تٷپكٸلٸكتٸ قۇقىقتىق باعانى سوت ٷكٸمٸ بەرگەن.
مارقۇم دەۋرەن رىسقۇلوۆتىڭ تۋىستارى ەندٸ اپەللياتسييالىق سوتقا جٷگٸنۋگە نيەتتٸ. ولار اقتاۋ ٷكٸمٸن قايتا قاراۋدى تالاپ ەتپەك.
