ٶزبەكستان تاريحىندا ەكٸ دٷركٸن وليمپيادا چەمپيونى اتانعان ٷش سپورتشىنىڭ بٸرٸ, اسا اۋىر سالماقتاعى بوكسشى باحادٷر جالولوۆ قازاقستاندىق جۋرناليست نۇرسەيٸت جىلقىشىبايعا بەرگەن سۇحباتىندا حالىق پەن كەسٸپكەرلەردٸڭ بەرگەن سىيلىعىنان باس تارتقانىن ايتقان,- دەپ حابارلايدى Dalanews.kz Qaz365.kz-كە سٸلتەپ.
«ٶزبەكستانعا كەلٸپ, وليمپيادا ويىندارىنىڭ ەكٸ دٷركٸن چەمپيونى باحودير جالولوۆتان سۇحبات الۋ بۇيىردى. سۇحبات كەزٸندە مەن ودان كەسٸپكەرلەر مەن حالىق قانداي سىيلىق بەرگەنٸن سۇرادىم. ول «مەملەكەتتەن العانىم جەتەدٸ, قاراپايىم حالىقتان, كەسٸپكەرلەردەن الىپ بايىپ كەتپەيمٸن, ول سىيلىقتى و دٷنيەگە الىپ كەتپەيمٸن, وليمپيادانى ەكٸ رەت جەڭسەم ەلٸمنٸڭ ابىرويى ٷشٸن جەڭدٸم» دەپ جاۋاپ بەردٸ.
ال بٸزدەگٸ جاعداي شە? اناۋ پەتەر بەردٸ, مىناۋ كٶلٸك بەردٸ, ات مٸنگٸزدٸ دەپ جازىپ جاتىر. اينالايىن التىندارىم, سٸزدەر ەل نامىسىن قورعاۋعا باردىڭىزدار ما, ەلدە دٷنيە جيناۋعا باردىڭىزدار ما?» – دەيدٸ جۋرناليست نۇرسەيٸت جىلقىشىباي.
ايتا كەتەيٸك, پاريج وليمپياداسىندا باعى جانعان قازاقستاندىق سپورتشىلار ەلگە كەلگەن سوڭ بٸراز سىي-قۇرمەتكە بٶلەندٸ. ونىڭ باسى جٷز جىلقىدان باستالىپ, پەتەر مەن قىمبات كٶلٸكتەرمەن جالعاستى.
ال ٶزبەكستاندىق بوكسشى باحودير جالولوۆ پاريجدە ٶتكەن جازعى وليمپيادا ويىندارىندا رەكورد ورناتتى. ول اسا اۋىر سالماقتا ەكٸ مەرتە وليمپ شىڭىن باعىندىرعان العاشقى بوكسشى اتاندى.
