بۇل جٶنٸندە ٶزبەك تٸلٸن دامىتۋعا ارنالعان جارلىعىندا ايتىلعان.
شاۆكات ميرزيياەۆ جارلىعىنا سەيكەس, 2030 جىلعا قاراي ەلدەگٸ بالاباقشانىڭ 80 پروتسەنتٸ ٶزبەك تٸلٸندە جٷرۋٸ تيٸس. سونىمەن بٸرگە شەتەلدٸكتەرگە ارنالعان ٶزبەك تٸلٸ باعدارلاماسى دا جاسالىنادى.
2021 جىلدىڭ 1 سەۋٸرٸنەن باستاپ بارلىق دەڭگەيدەگٸ شەنەۋنٸكتەردٸڭ ٶزبەك تٸلٸ مەن ەدەبيەتٸ بٸلٸمٸ تەكسەرٸلٸپ, ارنايى سەرتيفيكات بەرٸلەتٸن بولادى.
2019 جىلدىڭ مامىر ايىندا ەلٸشەر ناۆوي اتىنداعى تاشكەنت مەملەكەتتٸك ۋنيۆەرسيتەتٸ جانىنان لاتىن ەلٸپبيٸن تولىق جەتٸلدٸرۋگە بايلانىستى جۇمىس توبى قۇرىلعان. لينگۆيستەر ەلٸپبيدٸڭ جاڭا نۇسقاسىندا 30 بەلگٸ, 29 ەرٸپ پەن اپوستروف قالدىرۋدى شەشكەن.
Gazeta.uz باسىلىمىنىڭ جازۋىنشا, جاڭارتىلعان ەلٸپبي 1993 جىلعى ەلٸپبيگە ۇقسايدى. 1995 جىلى ەلٸپبيگە ٶزگەرٸس ەنگٸزٸلٸپ, قوسىمشا بەلگٸلەر قوسىلعان. ماماندار كەزٸندە مۇنىڭ قيىندىق تۋعىزعانىن ايتقان. ەندٸ ەلٸپبيدٸڭ بارىنشا جەڭٸلدەتٸلگەن نۇسقاسى جاسالىنىپ جاتىر.
قازاقستاندا دا 2017 جىلدان بەرٸ لاتىن ەلٸپبيٸنە كٶشۋ مەسەلەسٸ سٶز بولىپ كەلەدٸ. بٸراق ەلٸ تولىق كٶشپەدٸ.
