بۇل تۋرالى ٶزبەكستاننىڭ بۇقارالىق اقپارات قۇرالدارى حابارلادى.
ٶزبەكستاننىڭ قىتايداعى ەلشٸسٸ باحتيەر سايدوۆ پەن قىتايدىڭ Sinopharm Group كومپانيياسىنىڭ باسقارما تٶراعاسى ليۋ تسزينچجەن ەكٸ ەلدٸڭ كوروناۆيرۋس پاندەميياسىمەن بٸرلەسە كٷرەسۋ مٷمكٸندٸكتەرٸن تالقىلادى. اتاپ ايتقاندا, قىتاي جاعى كوروناۆيرۋسقا قارسى ۆاكتسينانىڭ كلينيكالىق سىناعى ەكٸ كەزەڭدە سەتتٸ ٶتكەنٸن حابارلادى. ۆاكتسينانى China National Biotec Group (CNBG, Sinopharm Group قۇرامىنا كٸرەدٸ) ەزٸرلەگەن.
«جاقىندا قىتاي تۇرعىندارى اراسىندا ٷشٸنشٸ – قورىتىندى سىناق باستالدى. قىتاي كورپوراتسيياسىنىڭ جەتەكشٸسٸ وسىنداي سىناقتى ٶزبەكستان اۋماعىندا دا ٶتكٸزۋدٸ ۇسىندى» دەلٸنگەن جەرگٸلٸكتٸ باق تاراتقان اقپاراتتا.
حابارلارعا قاراعاندا, جاڭا ۆاكتسينانىڭ سىناعى بٸرٸككەن اراب ەمٸرلٸكتەرٸندە دە ٶتەدٸ. وعان 15 مىڭعا جۋىق ادام قاتىسادى.
ۆاكتسينا ەكٸ جىلعا دەيٸن ەسەر ەتەدٸ دەلٸنگەن. قازٸر قىتايدا بۇل ۆاكتسينانى 50 مىڭنان استام ادام سالدىرعان. شٸلدەدە بەيجٸڭدە ۆاكتسينا شىعاراتىن ەكٸنشٸ زاۋىتتىڭ قۇرىلىسى اياقتالدى. العاشقى زاۋىت ۋحان قالاسىندا سالىنعان. ەندٸ قىتاي جىلىنا ۆاكتسينانىڭ 200 ميلليون داناسىن شىعارا الادى.
