ٶزبەك تەلەارنالارىندا كاريموۆ ەسٸمٸن ەفيردە اتاۋعا تىيىم سالدى
بۇل تۋرالى "وزودليكقا" تەلەارنالاردىڭ بٸرٸندە جٷرگٸزۋشٸ بولىپ ٸستەيتٸن قىزمەتكەر ايتتى. ونىڭ ايتۋىنشا, يسلام كاريموۆ ەسٸمٸن بارلىق باعدارلامالاردا ايتۋعا بولمايتىنى تۋرالى ٷكٸمدٸ پرەزيدەنتتٸڭ مەملەكەتتٸك كەڭەسشٸسٸ حايريددين سۋلتانوۆ بەرگەن.
تاعى بٸر ٶزبەكستاندىق تەلەارنانىڭ باس رەداكتورى جوعارىدان وسىنداي بۇيرىق تٷسكەنٸن راستادى.
– بۇل كەڭەس ەمەس, تالاپ ەدٸ. زييالى قاۋىمنىڭ قارت بۋىنى كاريموۆتٸ جيٸ ەسكە الادى, سول سەبەپتٸ ولاردى ەفيرگە جٸبەرمەۋ تۋرالى بارلىق شارانى قولداندىق, –دەدٸ باس رەداكتور.
ونىڭ ايتۋىنشا, كاريموۆ ەسٸمٸن ەفيردە ايتپاۋ تۋرالى تىيىم تەلەارنالاردا بٸر اي بۇرىن ەنگٸزٸلگەن.
"ەشلار" تەلەارناسى جۋرناليسٸنٸڭ سٶزٸنە قاراعاندا, ەفيردە كاريموۆتٸڭ ەسٸمٸن اتاۋدان بٶلەك, ونىڭ سۋرەتتەرٸن كٶرسەتۋگە دە تىيىم سالعان.
ٶزبەكستان ۇلتتىق تەلەراديوكورپوراتسيياسى باسشىلىعىنان بۇل تىيىمعا قاتىستى پٸكٸر الۋ مٷمكٸن بولمادى.
