ٶزبەك ەنشٸسٸ قىرعىزستان ازاماتتىعىنان ٷمٸتتٸ
«قۇرمەتتٸ ازاماتتار «ازييا MIX» كومانداسىنىڭ قاتىسۋشىسى سيتورا فارمونوۆانى قولداۋلارىڭىزدى سۇرايمىن. بٸزدٸڭ كوماندا جاقىندا «گولوسياششيي كيۆين» فەستيۆالٸندە جەڭٸسكە جەتتٸ. سيتوراعا قىرعىز رەسپۋبليكاسىنىڭ ازاماتتىعىن بەرۋ قاجەت دەپ ويلايمىز. قۇرمەتتٸ المازبەك شارشەنۇلى, سيتوراعا قىرعىز ەلٸنٸڭ ازاماتتىعىن بەرٸڭٸز», – دەپ جازادى فارمونوۆانى قولداعان ەلەۋمەتتٸك جەلٸنٸڭ بەلسەندٸسٸ تەميرلان اسكەرو.
وسىنىڭ الدىندا حابارلاعانداي, «ٶزبەكناۆو» ەسترادالىق بٸرلەستٸگٸ ەنشٸ ەرٸ اكتريسا سيتورا فارمونوۆاعا ٶزبەكستاندا شىعارماشىلىقپەن شۇعىلدانۋىنا تىيىم سالعان. سەبەبٸ ەنشٸنٸڭ ەسترادالىق بٸرلەستٸكتٸڭ تالاپتارىن جيٸ بۇزاتىنىمەن تٷسٸندٸرگەن.
فارمونوۆانىڭ ٶزٸ كەلٸسٸمنٸڭ مەرزٸمٸ اياقتالعانىمەن تٷسٸندٸرەدٸ. ونىڭ سٶزدەرٸنشە, جاڭا ليتسەنزييا الۋ ٷشٸن ٶتٸنٸش بەرگەن.
الايدا ەلەۋمەتتٸك جەلٸنٸڭ ٶزبەك قولدانۋشىلارى ەنشٸنٸڭ ساحناداعى سٶيلەگەن سٶزدەرٸن كەلەكە ەتەدٸ ەرٸ ونىڭ قىرعىز كۆن كومانداسى اتىنان ساحناعا شىعۋىن سىنعا الادى.
«قمد» اقپارات
