«ءوز سوزىنەن ءوزى قورقادى». حالىققا سوزىنە سەنىمدى، ەركىن ويلى ساراپشىلار كەرەك

Dalanews 03 ماۋ. 2022 16:39 418

رەداكسيادان: اrasha.kz سايتىنىڭ باس رەداكتورى، بەلگىلى جۋرناليست ءومىرجان ءابدىحالىق ۇلى سايت تىلشىلەرىنە سۇحبات بەرىپ، ارتىنان ءوز سوزىنەن ءوزى قورقاققان ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەركىن تۇقىموۆتىڭ سۇحباتىن سايتتان الىپ تاستاۋعا ءماجبۇر بولعانىن جازدى.

 

– اrasha.kz سۇحبات بەرەدى. ونى تاعى وزدەرى قاراپ شىعادى (سپيكەرگە قۇرمەت ەسەپتى جاسالادى). سوسىن تاقىرىبىن «ءبىز ايتقانداي قويمادىڭدار، وزگەرتتىڭدەر» دەپ تۋلايدى كەلىپ. سۇحبات العان تىلشىگە قايتا-قايتا حابارلاسىپ، ميىن اشىتادى.

اسپاننان الىپ تاقىرىپ قويمايسىڭ. ءوز ءسوزى. ءوز سوزىنەن ءوزى قورقادى. سويتە تۇرىپ، ەلگە ساياسات، رەفورمالار، رەفەرەندۋم تۋرالى ايتادى. وسىنداي قايشىلىققا تولى، ءوز سوزدەرىنەن وزدەرى قورقىپ، ۇركىپ جۇرگەن ساياساتتانۋشىلار قوعامدىق پىكىردى تۇزۋگە تالپىنادى، ال مەكەمە پرەزيدەنتكە ساياسي زەرتتەۋلەر ۇسىنىپ وتىرادى.

ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەركىن تۇقىموۆ مىرزانىڭ بەرگەن سۇحباتىنا راحمەت ايتىپ، سايتتان الىپ تاستايمىز!


ءسىزدىڭ ءوزىڭىز قورقاتىن ءسوزىڭىزدىڭ اۋديتورياعا كەرەگى شامالى. اۋديتورياعا ءوز سوزىنە سەنىمدى، تاۋەلسىز، ەركىن وي-پىكىرىن قادىرلەي الاتىن ساياساتتانۋشى ساراپشىلار كەرەك. مۇنداي جاعداي ءجيى كەزدەسىپ تۇرادى. الايدا ەندى وسىنى توقتاتايىق.

جاڭا قازاقستان جاعدايىندا پرەزيدەنت جانىنداعى ۇيىمدار دا ويلانۋى شارت دەپ بىلەمىز، – دەدى ارىپتەسىمىز.

ۇسىنىلعان
سوڭعى جاڭالىقتار