الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ەلىمىزدىڭ تۇڭعىش پرەزيدەنتىنىڭ جيەنى قايرات ساتىبالدىنىڭ بۇرىنعى زايىبى گۇلميرا ساتىبالدىنىڭ ءىسى بويىنشا بارلىق ماتەريالداردى قارادى، دەپ حابارلايدى Dalanews.kz Ulysmedia.kz-كە سىلتەپ.
ەندى كەلەسى اپتادا سوتتالۋشىلاردان جاۋاپ الىنۋى مۇمكىن.
كەشە سوتتا گۇلميرا ساتىبالدى مەن ونىڭ بۇرىنعى كولىك جۇرگىزۋشىسى ءمادي باتىرشايەۆتان ءزابىر كورىپ، زاڭسىز باس بوستاندىعىنان ايىرىلعان جابىرلەنۋشى اباي ءجۇنىستوۆتىڭ جاعدايىنا قاتىستى پسيحولوگ ساۋلە ءىزباساروۆانىڭ جاۋابى تىڭدالدى. ول ساراپشىلارمەن بىرگە جابىرلەنۋشىنىڭ جاعدايىن باقىلاعانىن ايتىپ بەردى.
پسيحولوگ جابىرلەنۋشىنىڭ سوتتالۋشىلارلان ءزابىر كورگەنىنە سەنەتىنىن، ونىڭ سوزىندە ەشقانداي وتىرىكتى بايقاماعانىن ايتتى.
"اباي ءجۇنىسوۆ ماعان باسىنان وتكەن جاعدايعا بايلانىستى مىنا نارسەنى باياندادى. ول سول قيىن كەزدە وز-وزىنە قول جۇمساعىسى كەلگەن ەكەن. سودان كەيىن ءولىم تۋرالى ويلاعىسى كەلمەي، نامازعا جىعىلعىسى كەلگەن. ونىڭ بىرەۋدەن قورقىپ، وز-وزىنە قول جۇمساعىسى كەلگەنىن، سوسىن بۇل ويىنان اينىپ قالعانىن قورقاقتىق دەپ ويلامايمىن. مەنىڭ ويىمشا، ول وتباسىنىڭ الدىنداعى جاۋاپكەرشىلىكتى سەزگەننەن كەين وز-وزىنە قول جۇمساعىسى كەلمەگەن"، - دەدى ول.
سوتتا ساراپشىلار جابىرلەنۋشىمەن سويلەسكەننەن كەيىن ونىڭ پسيحولوگيالىق جاعدايى قيىن ەكەنىن ەسكەرتتى.
"اباي ءجۇنىستوۆتىڭ جاعدايى وتە قيىن. ول وسىنشاما ۋاقىت ەشكىممەن ارالاسپاي، قوعامنان وقشاۋلاندى. سوندىقتان وعان پسيحولوگيالىق كومەك كەرەك"، - دەدى ەكسپەرتتەر.
سوتتا گۇلميرا ساتىبالدىنىڭ الىس تۋىسى سۇراقتارعا جاۋاپ بەردى. ول سوتتالۋشىمەن بىرگە 2017-2019 جىلدارى "Baur Kazakhstan" كومپانياسىندا جۇمىس ىستەگەنىن اتاپ ءوتتى.
كۋاگەر ساتىبالدىنىڭ كەزىندە كومپانيا الماتى قالاسىندا "Vostochka" تۇرعىن ءۇي كەشەنىنىڭ قۇرىلىسىن سالۋ ءۇشىن تەندەردى جەڭىپ العانىن ايتتى.
ول ءوز سوزىندە كومپانيا تەندەردى ۇتىپ العاندا گۇلميرا ساتىبالدىعا تۇرعىن ءۇي كەشەنىنىڭ قۇرىلىسىنا قاتىستى كۇماندى كەلىسىمدەر جاسالىپ جاتقانىن ايتقانىن جەتكىزدى.
سول كەزدە انار جاليلوۆا دەگەن ەسەپشى بولعان. ول ماعان كومپانيانىڭ ەسەبىنەن جەر ۋچاسكەلەرى مەن اۆتوكولىكتەردىڭ ساتىپ الىنىپ جاتقانىن قۇجاتىن كورسەتتى. بۋحگالتەر وسى ماسنلە بويىنشا سۇراق تۋىنداسا، كومپانيانىڭ باسشىسى گۇلميرا ساتىبالدىعا حابارلاس دەدى.
"جەر ۋچاسكەسى قابەنوۆتىڭ ("باقىت قابەنوۆ - Baur Kazakhstan" كومپانياسىنىڭ بۇرىنعى ديرەكتورى، - رەد.) اتىنا ساتىپ الىندى. سودان كەيىن ءۇي سالىنىپ، قۇرىلىس تەحنيكاسى مەن ماتەريالدارىن الدىق. جۇمىسشىلارعا كومپانيانىڭ ەسەبىنەن جالاقى تولەنىپ وتىردى"، - دەدى كۋاگەر.
سوتتا ايىپتالۋشىنىڭ قورعاۋشىسى اسەمگۇل دانيالوۆا سۋديادان گۇلميرا ساتىبالدىنىڭ تۋعان باۋىرى مەن اباي ءجۇنىستوۆتىڭ بۇرىنعى ايەلى رايا پىرىمبەتوۆتەن، اۋديتورلىق كومپانيانىڭ قىزمەتكەرى اباي ءالىموۆ پەن لومباردىڭ قىزمەتكەرى ۆالەنتينا كازيميروۆدان جاۋاپ الۋدى ءوتىندى.
سۋديا ونىڭ ءوتىنىشىن قاناعاتتاندىردى.
ەندى كەلەسى اپتادا ايىپتالۋشى گۇلميرا ساتىبالدى مەن ونىڭ بۇرىنعى كولىك جۇرگىزۋشىسى ءمادي باتىرشايەۆتىڭ جاۋابى تىڭدالادى. ولارعا اعايىندى اباي، التاي جانە قاسىم جۇنىسوۆتەردى زاڭسىز باس بوستاندىعىنان ايىرۋ جانە اسا ءىرى مولشەردە اقشا بوپسالاۋ بويىنشا ايىپ تاعىلىپ وتىر.
بۇعان دەيىن گۇلميرا ساتىبالدىنىڭ ءىسى بويىنشا فيگۋرانت تاعى ءبىر قىلمىسى ءۇشىن سوتتالعان بولاتىن.
