بەكىتىلگەن كەستەگە سايكەس وتىرار اۋدانىندا اۋدان اكىمى اپپاراتىنىڭ اكىمشىلىك جانە جالپى ءبولىمىنىڭ جاۋاپتى مامانى ەركەبۇلان جايمۇرزايەۆ جانە دەربەس بولىمدەردىڭ ءتيىستى ماماندارى ارنايى اپتاسىنا ءبىر كۇن «ازاماتتارعا ارنالعان ۇكىمەت مەملەكەتتىك كورپوراسياسى» كەاق اۋداندىق فيليالىنىڭ ماماندارىمەن ءبىر عيماراتتا وتىرىپ، «ە-وتىنىش» اقپاراتتىق جۇيەسىنە ازاماتتاردىڭ وتىنىشتەرىن تىركەۋ جۇمىستارىنا كەڭەستەر بەردى.
سونداي-اق اۋدان اكىمدىگى جانىنداعى حالىقتىق كەڭسەدە جاۋاپتى مەملەكەتتىك قىزمەتشى مەملەكەتتىك كورسەتىلەتىن قىزمەتتەردى كورسەتۋ، كەڭەس بەرۋ، كانسەلياريا قىزمەتكەرى «ە-وتىنىش» اقپاراتتىق جۇيەسىندە ازاماتتاردىڭ وتىنىشتەرىن تىركەپ، اۋدان اكىمىنە جانە ورىنباسارلارىنا جەكە قابىلداۋىنا تىركەۋ جۇرگىزدى.
بيىلعى جىلدىڭ 11 شىلدەسىنەن باستاپ وتىرار اۋدانى اكىمدىگى جانىنداعى حالىقتىق كەڭسەدەگى قىزمەتكەرلەر حقكو-داعى «ناتيجە» فرونت وفيسىنە ورنالاستى. مۇندا كۇندەلىكتى اۋدان اكىمى اپپاراتىنىڭ اكىمشىلىك جانە جالپى بولىمىنەن 1 جاۋاپتى مامان جانە دەربەس بولىمدەردەن 6 جاۋاپتى مامان (ءبىر مەزەتتە كەستەگە سايكەس 4 قىزمەتكەر) تۇرعىندارعا قىزمەت كورسەتىپ، كەڭەستەر بەرۋدە.
جالپى 16 مامىر مەن 19 شىلدە ارالىعىندا حقكو-دا قابىلدانعان وتىنىشتەر (ە-گوۆ) سانى — 5، بەرىلگەن كەڭەستەر — 54 جانە كورسەتىلگەن قىزمەتتەر 17 بولىپ وتىر.
حقكو-دا ورنالاسقان قىزمەتكەرلەردىڭ جۇمىس ستانسيالارى تولىق ءتيىستى باعدارلامالارمەن قامتاماسىز ەتىلىپ، تۇركىستان وبلىسىنىڭ سيفرلاندىرۋ، مەملەكەتتىك قىزمەتتەر كورسەتۋ جانە ارحيۆتەر باسقارماسىنىڭ كومەگىمەن 8 مبيت/سەك جىلدامدىقتا بايلانىس ورناتىلدى.
