ۇلتتىق برەندىمىزدىڭ باعاسى قالتاعا قونىمدى، ساپاسى جوعارى. «وتىرار-سۇت-ەت» اۋىلشارۋاشىلىق وندىرىستىك كووپەراتيۆى جەرگىلىكتى بالاباقشالار مەن مەكتەپ بالالارىن ءبىر مەزگىل ءسۇت ونىمدەرىمەن قامتاماسىز ەتىپ كەلەدى.
قازىرگى تاڭدا شارۋاشىلىق كۇنىنە 5000 ليتر تۇيە ءسۇتىن وندىرەدى. مۇندا ءقازىر جالپى سانى 12 ادام جۇمىسپەن قامتىلعان. ساقتالۋ مەرزىمىنە قاراي استانا مەن الماتى قالالارىنا جونەلتىلۋدە. نەگىزگى تۇتىنۋشىلار – جەرگىلىكتى تۇرعىندار.
– «وتىرار ءسۇت ەت» كووپەراتيۆى ءسۇتتىڭ مايلىلىعىن ساقتاي وتىرىپ، ءونىم دايىندايتىندىقتان، اسىرەسە، شۇباتتىڭ ساقتالۋ مەرزىمى ۇزاق ەمەس. ەندى ۇجىم جاڭا يننوۆاسيا جەلىسىمەن ۇنتاقتالعان شۇبات ءوندىرۋدى جوسپارلاپ وتىر. تۇيە ءسۇتى اعزاعا وتە پايدالى بولعاندىقتان، ءونىمنىڭ بۇل تۇرىنە سۇرانىس جوعارى، – دەيدى كاسىپورىن ءتوراعاسى نۇرسۇلتان احايەۆ.
