جيىندا كۇن تارتىبىندەگى ءبىرىنشى ماسەلە بويىنشا بايانداما جاساعان اۋداندىق تۇرعىن ۇي-كوممۋنالدىق شارۋاشىلىق جولاۋشىلار كولىگى جانە اۆتوموبيل جولدارى ءبولىمى باسشىسىنىڭ ورىنباسارى ا.قۇدايبەرگەنوۆ اۋدان ورتالىعىنداعى كارىز جۇيەلەرىنىڭ ىسكە قوسىلۋ بارىسى تۋرالى ايتا كەلە، اۋدانداعى ءبىرقاتار مەكەمەلەر مەن كاسىپكەرلىك نىساندارىنا كارىز جۇيەسى كەلىپ تۇرعانىن جانە ونى قوسۋ جۇمىستارى مەكەمەلەر تاراپىنان اتقارىلۋى قاجەت ەكەندىگى تۋرالى جەتكىزدى.
مۇنان سوڭ كوكتەمگى ەگىس ەگۋ جۇمىستارىن اياقتاۋ تۋرالى اۋداندىق اۋىل شارۋاشىلىعى ءبولىمىنىڭ باسشىسى ب.سىزدىق بايانداما جاسادى. ءبولىم باسشىسى ەلباسىمىزدىڭ قازاقستان حالقىنا ارناعان جولداۋىنداعى نەگىزگى باعىت اۋىلشارۋاشىلىعى كووپەراتيۆتەرىن قۇرۋ بويىنشا جۇمىستار بەلسەندى جۇرگىزىلىپ جاتقاندىعىن ايتا كەلە، بۇگىنگى تاڭدا يگەرىلمەي جاتقان جەرلەردى قايتارۋ جۇمىستارىنىنىڭ بارىسىنا توقتالدى. كۇن تارتىبىندەگى سوڭعى ماسەلەلەر بويىنشا بايانداعان اۋداندىق قۇرىلىس، ساۋلەت جانە قالا قۇرىلىسى ءبولىمىنىڭ باسشىسى م.ەسىنبەك ءشاۋىلدىر اۋىلى، جاڭا مولتەك اۋدانىنداعى ينجەنەرلىك-كوممۋنيكاسيا جۇيەلەرىنىڭ قۇرىلىسى مەن ارىس وزەنى جاعالاۋىن قايتا قۇرۋ جۇمىستارى تۋرالى ءسوز ەتتى.
جيىن بارىسىندا ءبولىم باسشىلارىنىڭ بايانداماسىن مۇقيات تىڭداعان رىسكەلدى سالحۋتدين ۇلى اتالعان ماسەلەلەر بويىنشا ءتيىستى سالا باسشىلارى مەن اۋىل اكىمدەرىنە تاپسىرمالار بەرىپ، تاپسىرمالاردىڭ ورىندالۋى ءوز باقىلاۋىندا بولاتىنىن ەسكەرتتى.
