وقو-دا اۋدان اكىمى سپورت الاڭى مال جايىلىمىنا اينالعان مەكتەپتى كورىپ شوشىپ كەتتى
اۋدان اكىمى ەرلان ايتاحانوۆ الدىمەن پ.ايتمەنوۆ مەكتەبىنە باردى. ءبىلىم ۇياسىنىڭ شاتىرى جاڭادان جابىلعانىمەن اۋلاداعى قورشاۋلاردى كورگەن باسشى شوشىپ كەتتى. قورشاۋدىڭ سىرتقى تۇسى رەتتەلىپ، ىشكى تۇسىن مەكتەپ باسشىلىعى ۇمىت قالدىرىپتى. ول از دەگەندەي، مەكتەپ اينالاسىن جىڭعىل مەن ارام شوپتەر باسىپ كەتكەن.
ءبىلىم ۇياسىنىڭ اۋلاسى قوقىستان كوز اشپاعان. ال سپورت الاڭشاسى مال جايىلىمىنا اينالعان. دوپ تەبۋ تۇگىلى، قىستىق اياق كيىممەن جۇرۋگە تۋرا كەلەدى. ءبىر قىزىعى، وتىرار اۋدانىندا تەك بۇل ءبىر ءبىلىم ۇياسى عانا ەمەس، ا.دارىبايەۆ، س.ءاشىروۆ، ءو.جانىبەكوۆ مەكتەپتەرىنىڭ دە سيقى وسىنداي كەيىپتە.
د.قۇرمانبەكوۆ اتىنداعى اتىنداعى كوللەدج بەن ارداگەرلەر ساياباعىنداعى جاعداي دا ءماز ەمەس. ولاردى كوزبەن كورگەن ايتاحانوۆ جاۋاپتىلارعا ءبىر اپتا مەرزىم بەرىپ، ولقىلىقتاردىڭ ورنىن تولتىرۋدى قاتاڭ تاپسىردى.
