وتار پوليگونىنداعى جارىلىس كەزٸندە انگولادان كەلگەن 10 ەسكەري جاپا شەكتٸ
ايتا كەتەيٸك, xالىقارالىق ەسكەري ويىندارعا دايىندىق بويىنشا جاتتىعۋ جۇمىستارى كەزٸندە انگولا كومانداسىندا 120 مم مينومەت جارىلعان بولاتىن.
نەتيجەسٸندە 1 ەسكەري قىزمەتكەر اۋىر حالدە جاتىر, قالعان جاۋىنگەرلەر جەڭٸل جاراقاتتار العان. جارالانعاندار وتار ەسكەري بازاسىنداعى جەكە مەديتسينالىق جاساققا جەتكٸزٸلدٸ. الدىن الا تەرگەۋ بويىنشا, انگولا كومانداسى 2ب11 مينومەتٸن اتۋ كەزٸندە قاۋٸپسٸزدٸك ەرەجەسٸن بۇزعان جەنە كەلٸسٸمسٸز وكوپتان شىعىپ, اتۋ پوزيتسييالارىن ٶزگەرتٸپ, ٶرەسكەل قاتەلٸك جٸبەرگەن. ودان بٶلەك, قاتارىنان ەكٸ رەت وقتاۋ دا سناريادتىڭ جارىلۋ سەبەبٸ بولۋى مٷمكٸن.
قر قورعانىس مينيسترٸ يمانعالي تاسماعامبەتوۆتٸڭ بۇيرىعىمەن, قورعانىس مينيسترٸنٸڭ ورىنباسارى, گەنەرال-لەيتەنانت وقاس ساپاروۆ جەتەكشٸلٸك ەتەتٸن كوميسسييا قۇرىلدى. ولار بولعان جايدى انىقتاپ, كوميسسييالىق تەكسەرۋ جٷرگٸزۋ ٷشٸن وقيعا ورنىنا ۇشىپ كەتتٸ.
ايتا ٶتەيٸك, بۇدان بۇرىن «ارتيللەرييالىق وق اتۋ شەبەرلەرٸ» بايقاۋىنىڭ جەتەكشٸسٸ, باس تٶرەشٸسٸ گەنەرال-مايور لۇت ەلشەكەنوۆ 13 ەلدەن كەلگەن كومانداعا قاۋٸپسٸزدٸك تەحنيكاسىنىڭ ەرەجەلەرٸن تٷسٸندٸرگەن بولاتىن. اتالعان رەسٸمنەن كەيٸن عانا كوماندا قاتىسۋشىلارى جاتتىعۋعا كٸرٸسۋٸ تيٸس بولعان.
اۆتور: جاسۇلان جولدىباەۆ
قازاقپارات
