وتانىنا وپاسىزدىق جاسادى دەپ سوتتالعان كونستانتين سىروەجكينگە قاسىم-جومارت توقاەۆ راقىمشىلىق جاسادى, - دەپ حابارلايدى Dalanews.kz.
قازاقستان پرەزيدەنتٸ قاسىم-جومارت توقاەۆ ٶز جارلىعىمەن بەلگٸلٸ قىتايتانۋشى عالىم كونستانتين سىروەجكيندٸ راقىمشىلىقپەن بوساتتى. بۇل تۋرالى ساياساتتانۋشى اندرەي چەبوتارەۆ حابارلادى.
"ٶتكەن جازدان بەرٸ جاقسى جاڭالىق! قازاقستان رەسپۋبليكاسى پرەزيدەنتٸ جانىنداعى راقىمشىلىق مەسەلەلەرٸ جٶنٸندەگٸ كوميسسييانىڭ ۇسىنىسى بويىنشا مەملەكەت باسشىسى قاسىم-جومارت توقاەۆ تيٸستٸ جارلىقپەن بەلگٸلٸ قىتايتانۋشى عالىمدى, ساياسي عىلىمداردىڭ دوكتورى جەنە پروفەسسور كونستانتين سىروەجكيندٸ راقىمشىلىقپەن بوساتتى. وسىعان بايلانىستى ونىڭ سوتتىلىعى جويىلىپ, قۇقىقتارى قالپىنا كەلتٸرٸلدٸ. جالپى, ەدٸلدٸك ورنادى! ەرٸپتەسٸمٸزگە جەنە ۇستازىمىزعا مىقتى دەنساۋلىق پەن جاڭا عىلىمي جەتٸستٸكتەر تٸلەيمٸن!" - دەپ جازدى چەبوتارەۆ سەرسەنبٸدە Telegram-ارناسىندا.
سىروەجكيننٸڭ سوتتالعانى تۋرالى اقپارات 2019 جىلى الدىمەن ەلەۋمەتتٸك جەلٸدە جارييالانىپ, ارتىنشا بۇل اقپارتتى الماتى قالالىق سوتى راستاعان بولاتىن.
"اقپاندا قىتايتانۋشى, قىتايدى جەتە بٸلەتٸن مامان كونستانتين سىروەجكين قاماۋعا الىنعان ەدٸ. وعان "وتانىنا وپاسىزدىق جاسادى" دەگەن ايىپ تاعىلدى. سوت پروتسەسٸ جابىق ٶتتٸ. سىروەجكيندٸ 10 جىلعا باس بوستاندىعىنان ايىرۋ, جازاسىن ارنايى قاتاڭ رەجيمدەگٸ اباقتىدا ٶتكٸزۋ, ودان سوڭ ازاماتتىعىنان ايىرۋ جازاسى كەسٸلگەنٸ بەلگٸلٸ بولدى", - دەپ جازدى سول كەزدە قوعام بەلسەندٸسٸ عالىم اقەلەۋوۆ.
ونىڭ ايتۋىنشا, سىروەجكين كٸنەسٸن مويىنداماعان جەنە اپەللياتسييالىق شاعىم بەرۋدەن باس تارتقان. كەيٸنٸرەك بۇل جايتقا قاتىستى ۇلتتىق قاۋٸپسٸزدٸك كوميتەتٸ دە مەلٸمدەمە جاسادى.
"2019 جىلى 7 قازاندا الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى 1956 جىلى تۋىلعان قر ازاماتى كونستانتين لۆوۆيچ سىروەجكيندٸ قر قىلمىستىق كودەكسٸنٸڭ 175-بابى 1-بٶلٸگٸ, ياعني "وتانعا وپاسىزدىق جاساۋ" بويىنشا كٸنەلٸ دەپ تاۋىپ, ونى 10 جىلعا باس بوستاندىعىنان ايىردى", - دەدٸ قر ۇقك باسپاسٶز قىزمەتٸ ٶكٸلدەرٸ.
سوت ٷكٸمٸ شىققان كەزدە سىروەجكين بوستاندىققا شىققاننان كەيٸن قازاقستاننان قۋىلىپ, بەس جىلعا دەيٸن ەلگە ورالۋىنا تىيىم سالىناتىنى تۋرالى دا اقپارات تارادى.
