بٸرنەشە جىل بۇرىن وتانىنا وپاسىزدىق جاسادى دەگەن ايىپپەن 10 جىلعا سوتتالعان بەلگٸلٸ قىتايتانۋشى كونستانتين سىروەجكين بوستاندىققا شىقتى, - دەپ حابارلايدى Dalanews.kz.
سىروەجكيننٸڭ بوستاندىققا شىققانىن ساياساتتانۋشى مارات شيبۇتوۆ جارييالادى.
"كونستانتين لۆوۆيچ سىروەجكين بوستاندىققا شىقتى. 5 جىل جازاسىن ٶتەدٸ", - دەپ جازدى ول.
سىروەجكيننٸڭ سوتتالعانى تۋرالى اقپارات 2019 جىلى الدىمەن ەلەۋمەتتٸك جەلٸدە جارييالانىپ, ارتىنشا بۇل اقپارتتى الماتى قالالىق سوتى راستاعان بولاتىن.
"اقپاندا قىتايتانۋشى, قىتايدى جەتە بٸلەتٸن مامان كونستانتين سىروەجكين قاماۋعا الىنعان ەدٸ. وعان "وتانىنا وپاسىزدىق جاسادى" دەگەن ايىپ تاعىلدى. سوت پروتسەسٸ جابىق ٶتتٸ. سىروەجكيندٸ 10 جىلعا باس بوستاندىعىنان ايىرۋ, جازاسىن ارنايى قاتاڭ رەجيمدەگٸ اباقتىدا ٶتكٸزۋ, ودان سوڭ ازاماتتىعىنان ايىرۋ جازاسى كەسٸلگەنٸ بەلگٸلٸ بولدى", - دەپ جازدى سول كەزدە قوعام بەلسەندٸسٸ عالىم اقەلەۋوۆ.
ونىڭ ايتۋىنشا, سىروەجكين كٸنەسٸن مويىنداماعان جەنە اپەللياتسييالىق شاعىم بەرۋدەن باس تارتقان.
ساياساتتانۋشى اندرەي چەبوتارەۆ تە قىتايتانۋشىنىڭ قامالعانىنا ٶكٸنٸش بٸلدٸردٸ.
كەيٸنٸرەك بۇل جايتقا قاتىستى ۇلتتىق قاۋٸپسٸزدٸك كوميتەتٸ دە مەلٸمدەمە جاسادى.
"2019 جىلى 7 قازاندا الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى 1956 جىلى تۋىلعان قر ازاماتى كونستانتين لۆوۆيچ سىروەجكيندٸ قر قىلمىستىق كودەكسٸنٸڭ 175-بابى 1-بٶلٸگٸ, ياعني "وتانعا وپاسىزدىق جاساۋ" بويىنشا كٸنەلٸ دەپ تاۋىپ, ونى 10 جىلعا باس بوستاندىعىنان ايىردى", - دەدٸ قر ۇقك باسپاسٶز قىزمەتٸ ٶكٸلدەرٸ.
سوت ٷكٸمٸ شىققان كەزدە سىروەجكين بوستاندىققا شىققاننان كەيٸن قازاقستاننان قۋىلىپ, بەس جىلعا دەيٸن ەلگە ورالۋىنا تىيىم سالىناتىنى تۋرالى دا اقپارات تارادى.
