قازاقستاندا وتاندىق تاۋار ٶندٸرۋشٸلەردٸ قولداۋعا باعىتتالعان جاڭا باستاما ەزٸرلەندٸ, دەپ حابارلايدى Dala News.
ساۋدا جەنە ينتەگراتسييا مينيسترلٸگٸ ساۋدا جەلٸلەرٸندە قازاقستاندىق جاڭا برەندتەرگە جەڭٸلدەتٸلگەن شارتتارمەن ورىن بەرۋ تەتٸگٸن كٶزدەيتٸن تٷزەتۋلەر جوباسىن دايىندادى. قۇجاتقا سەيكەس, تاۋار ٶندٸرۋشٸلەر تٸزٸلٸمٸنە ەنگٸزٸلگەن جاڭا وتاندىق برەندتەر ٶز ٶنٸمٸن دٷكەن سٶرەلەرٸنە كەمٸندە ٷش اي مەرزٸمگە جەڭٸلدٸكپەن ورنالاستىرا الادى. ول ٷشٸن ٶندٸرۋشٸ تاراپىنان جازباشا ٶتٸنٸم بەرۋ جەتكٸلٸكتٸ.
سونىمەن قاتار, جاڭا ەرەجەلەر ساۋدا سۋبەكتٸلەرٸنە جابدىقتاردى, تاۋارلار مەن شيكٸزاتتى وتاندىق كەسٸپكەرلەردەن ساتىپ الۋ تالابىن بەكٸتۋدٸ قاراستىرادى. بۇل ٸشكٸ ٶندٸرٸستٸڭ جٷكتەمەسٸن ارتتىرىپ, جەرگٸلٸكتٸ بيزنەستٸڭ نارىقتاعى ٷلەسٸن كەڭەيتۋگە مٷمكٸندٸك بەرمەك.
تٷزەتۋلەر جوباسىندا تاعى بٸر ماڭىزدى شەكتەۋ ەنگٸزٸلەدٸ. سۋبسيدييالاۋ جەنە كرەديتتەردٸ كەپٸلدەندٸرۋ تۋرالى شارت جاسالعاننان كەيٸن بٸر جىل ٸشٸندە جالداۋ اقىسىن ٶسٸرۋگە تىيىم سالۋ ۇسىنىلىپ وتىر. بۇل شارا كەسٸپكەرلەردٸ كٷتپەگەن شىعىنداردان قورعاۋعا باعىتتالعان.
قۇجات 2026 جىلعى 20 اقپانعا دەيٸن قوعامدىق تالقىلاۋعا شىعارىلدى. مينيسترلٸكتٸڭ مەلٸمەتٸنشە, ۇسىنىستار مەن ەسكەرتپەلەر ەسكەرٸلگەننەن كەيٸن تٷپكٸلٸكتٸ شەشٸم قابىلدانادى.
