قازاقستان ەلدٸڭ دەرٸلٸك قاۋٸپسٸزدٸگٸن قامتاماسىز ەتۋ باعىتىندا ەلەۋلٸ نەتيجەگە قول جەتكٸزدٸ. دەرٸلٸك زاتتاردى تاڭبالاۋ جەنە قاداعالاۋ جٷيەسٸنٸڭ دەرەكتەرٸ بويىنشا وتاندىق ٶندٸرٸستەگٸ دەرٸلٸك پرەپاراتتاردىڭ ٷلەسٸ زاتتاي كٶرسەتكٸشتە (قاپتاما مەن دوزالار سانى بويىنشا) 40%-عا جەتتٸ, دەپ حابارلايدى Dalanews.kz.
بۇل كٶرسەتكٸش حالىقتىڭ وتاندىق ٶندٸرٸستەگٸ دەرٸلٸك زاتتارمەن ناقتى قامتاماسىز ەتٸلۋ دەڭگەيٸن كٶرسەتٸپ, ۇلتتىق فارماتسەۆتيكالىق سالانىڭ كەزەڭ-كەزەڭٸمەن دامىپ كەلە جاتقانىن ايعاقتايدى.
دەنساۋلىق ساقتاۋ مينيسترلٸگٸندە اتاپ ٶتكەندەي, نارىقتى زاتتاي كٶرسەتكٸشتەر ارقىلى باعالاۋ دەرٸلٸك زاتتاردى تۇتىنۋ قۇرىلىمىن بارىنشا وبەكتيۆتٸ تٷردە تالداۋعا مٷمكٸندٸك بەرەدٸ.
قۇندىق مەندە وتاندىق پرەپاراتتاردىڭ ٷلەسٸ شامامەن 15%-دى قۇرايدى. بۇل پاتەنتتٸك قورعاۋدا تۇرعان يننوۆاتسييالىق يمپورتتىق دەرٸلٸك زاتتاردىڭ جوعارى قۇنىمەن بايلانىستى.
نارىقتى زاتتاي كٶرسەتكٸشتەر ارقىلى تالداۋعا كٶشۋ حالىق ٷشٸن دەرٸلٸك زاتتاردىڭ قولجەتٸمدٸلٸك دەڭگەيٸن جەنە دەنساۋلىق ساقتاۋ جٷيەسٸن قامتاماسىز ەتۋدەگٸ وتاندىق ٶندٸرۋشٸلەردٸڭ ناقتى رٶلٸن دەلٸرەك باعالاۋعا مٷمكٸندٸك بەرەدٸ.
دەرٸلٸك قامتاماسىز ەتۋ سالاسىنداعى جٷيەلٸ رەفورمالار بٸرقاتار ماڭىزدى نەتيجەلەرگە قول جەتكٸزۋگە مٷمكٸندٸك بەردٸ. اتاپ ايتقاندا, باعا بەلگٸلەۋ جٷيەسٸن رەفورمالاۋ نەتيجەسٸندە تمككك جەنە مەمس شەڭبەرٸندە دەرٸلٸك زاتتاردىڭ شەكتٸ باعاسى ورتا ەسەپپەن 15%-عا, ال كٶتەرمە جەنە بٶلشەك ساۋدا سەگمەنتتەرٸندە 26%-عا تٶمەندەدٸ. بۇل حالىق ٷشٸن دەرٸ-دەرمەكتەردٸڭ قولجەتٸمدٸلٸگٸن ارتتىردى.
ماڭىزدى باعىتتاردىڭ بٸرٸ ساتىپ الۋ جٷيەسٸن وڭتايلاندىرۋ بولدى. بٸرىڭعاي ديستريبيۋتور ٶندٸرۋشٸ زاۋىتتارمەن تٸكەلەي كەلٸسٸمشارتتار تەجٸريبەسٸن ايتارلىقتاي كەڭەيتتٸ, بۇل دەلدالدار سانىن قىسقارتۋعا مٷمكٸندٸك بەردٸ. سونىمەن قاتار بۇۇ جٷيەسٸنٸڭ حالىقارالىق ۇيىمدارى - پروون, يۋنيسەف جەنە STOP-TB ارقىلى جٷرگٸزٸلەتٸن ساتىپ الۋلار كٶلەمٸ 87%-عا ارتتى, ال وتاندىق ٶندٸرۋشٸلەرمەن ۇزاق مەرزٸمدٸ كەلٸسٸمشارتتار كٶلەمٸ 43%-عا ٶستٸ.
وسى شارالاردىڭ نەتيجەسٸندە بيۋدجەت قاراجاتى ايتارلىقتاي ٷنەمدەلدٸ. 2025 جىلدىڭ قورىتىندىسى بويىنشا ٷنەمدەۋ 70,5 ملرد تەڭگەنٸ, ال 2026 جىلدىڭ العاشقى ايلارىندا 47 ملرد تەڭگەنٸ قۇرادى. بوساتىلعان قاراجات پاتسيەنتتەردٸ دەرٸلٸك قامتاماسىز ەتۋدٸ كەڭەيتۋگە باعىتتالۋدا.
دەرٸلٸك قامتاماسىز ەتۋ جٷيەسٸن دامىتۋدا تسيفرلاندىرۋ دا ماڭىزدى رٶل اتقارادى. دەرٸلٸك زاتتاردى تاڭبالاۋ جەنە قاداعالاۋ جٷيەسٸن ەنگٸزۋ پرەپاراتتاردىڭ قوزعالىسىنىڭ بٷكٸل تٸزبەگٸنٸڭ - ٶندٸرٸس جەلٸسٸنەن باستاپ پاتسيەنتكە جەتكٸزٸلەتٸن ەربٸر قاپتاماعا دەيٸن - اشىقتىعىن قامتاماسىز ەتەدٸ. بۇل باقىلاۋ ساپاسىن ارتتىرىپ, ەلدەگٸ دەرٸلٸك قامتاماسىز ەتۋ جٷيەسٸنە دەگەن سەنٸمدٸ كٷشەيتۋگە ىقپال ەتەدٸ.
