وتان!
سەن بولماساڭ، نە ەتەر ەم؟
ماڭگىلىككە باقىتسىز بوپ وتەر ەم،
ومىردەن بۇل وكسۋمەنەن كەتەر ەم. قۇس ۇياسىز،
جىرتقىش ءىنسىز بولمايدى.
وتانسىز جان ومىرىندە وڭبايدى.
ءوزىن-وزى قورلايدى دا، سورلايدى.
ءتىرى ادامعا - سول قايعى!
كۇن كورەدى،
اكەسىز دە، اناسىز،
ءومىر سۇرەر.
ايەلسىز دە، بالاسىز،
ال وتانسىز - ناعىز سورلى پاناسىز؟ بىلەسىڭ بە،
وتاننىڭ سەن نە ەكەنىن؟
(ەكى ءومىر جوق، ارينە، جوق ەكى ءولىم.)
ەكى وتان جوق. جالعىز وتان - مەكەنىڭ!
مۇقاعالي ماقاتايەۆ
