قىزىلوردا وبلىسىندا وتا كەزٸندە ناۋقاستىڭ اعزاسىندا دەكە تامپونى قالىپ كەتكەن. ونى دەرٸگەرلەر تەك ەكٸ ايدان كەيٸن جاسالعان ەكٸنشٸ وپەراتسييا كەزٸندە انىقتاعان. ناۋقاس سوتقا جٷگٸنٸپ, مەديتسينالىق مەكەمەدەن 1,5 ملن تەڭگەدەن استام ٶتەماقى ٶندٸرٸپ الدى, دەپ حابارلايدى dalanews.kz.
جوعارعى سوتتىڭ مەلٸمەتٸنشە, ەر ادامعا باستاپقىدا كيستانى الىپ تاستاۋ ٷشٸن وپەراتسييا جاسالعان. الايدا وتادان كەيٸن ونىڭ جاراسى ۇزاق ۋاقىت جازىلماي, قاتتى اۋىرسىنعان جەنە قابىنۋ باستالعان.
ەكٸ ايدان كەيٸن ناۋقاس باسقا مەديتسينالىق مەكەمەگە جٷگٸنٸپ, قايتا وپەراتسييا جاساتقان. سول كەزدە دەرٸگەرلەر الدىڭعى وتا جاسالعان جەردەن قالىپ قويعان دەكە تامپونىن – مارلەومانى الىپ شىققان. بۇل دەرەك وپەراتسييا حاتتاماسىمەن, مەديتسينالىق قۇجاتتارمەن, بەينەجازبامەن جەنە ەكٸنشٸ ەمدەۋ مەكەمەسٸ ٶكٸلٸنٸڭ تٷسٸنٸكتەمەسٸمەن راستالعان.
كەيٸن مەديتسينالىق قىزمەت ساپاسىن باقىلاۋعا جاۋاپتى ورگان جوسپاردان تىس تەكسەرۋ جٷرگٸزٸپ, بٸرقاتار زاڭبۇزۋشىلىقتى انىقتادى. اتاپ ايتقاندا, العاشقى وپەراتسييا كەزٸندە مٸندەتتٸ تالاپتار تولىق ساقتالماعان, ال ناۋقاستىڭ وتادان كەيٸنگٸ جاعدايى تيٸستٸ دەڭگەيدە باقىلانباعان.
سونىمەن قاتار مەديتسينالىق قۇجاتتاردى تولتىرۋدا دا كەمشٸلٸكتەر بولعان. كٷندەلٸكتٸ جازبالار تولىق جٷرگٸزٸلمەگەن, زەرتتەۋ نەتيجەلەرٸنە كلينيكالىق تٷسٸندٸرمە بەرٸلمەگەن جەنە وپەراتسييا كەزٸندە الىنعان ماتەريالداردى زەرتتەۋ تۋرالى مەلٸمەتتەر كٶرسەتٸلمەگەن.
ناۋقاس ەكٸنشٸ وپەراتسييانىڭ شىعىنىن ٶزٸ تٶلەگەن. وسىدان كەيٸن ول ماتەريالدىق شىعىن مەن مورالدىق زيياندى ٶتەۋدٸ تالاپ ەتٸپ, سوتقا جٷگٸندٸ.
سوت ۇسىنىلعان دەلەلدەردٸ زەرتتەپ, مەديتسينالىق مەكەمەنٸڭ كٸنەسٸ دەلەلدەندٸ دەگەن قورىتىندىعا كەلدٸ. نەتيجەسٸندە ناۋقاستىڭ پايداسىنا ماتەريالدىق شىعىن مەن مورالدىق زييان ٷشٸن 1,5 ملن تەڭگەدەن استام قاراجات ٶندٸرٸلدٸ.
