ٶسكەمەننٸڭ جولى كەڭەيە تٷسپەك
جاقىندا وبلىس ەكٸمٸ دانيال احمەتوۆ جۇمىس كٷنٸن ٶسكەمەندەگٸ جول-جٶندەۋ جۇمىستارىنىڭ بارىسىن تەكسەرۋدەن باستادى. قايتا قۇرۋ ٸسٸ جٷرٸپ جاتقان قالاداعى بارلىق كٶشەلەردٸ ارالادى. ايتا كەتۋ كەرەك, بۇل جوبالار الداعى 15 جىلدا وبلىس ورتالىعىنداعى كٶلٸك كەپتەلٸسٸن وڭتايلى شەشۋٸ تيٸس. بٷگٸندە سەتپاەۆ داڭعىلىندا جۇمىس بارىسى قارقىندى. مەردٸگەرلەر 700 ملن تەڭگەنٸ يگەرٸپ ٷلگەرگەن. جٸبەك ماتالار كومبيناتى شاعىن اۋدانىنىڭ باستى جولىن 6 جولاقتى ەتۋ جوسپارلانعان ەدٸ, الايدا ايماق باسشىسى جوبالىق-سمەتالىق قۇجاتقا تولىقتىرۋ ەنگٸزۋدٸ تاپسىردى.
– ورتاسىن بٶلٸپ تۇرعان جولاقتى الىپ تاستاۋ كەرەك. وسىلايشا جولدى ەكٸ ەسەگە ٷلكەيتە الامىز. جسق قىسقى ماۋسىمدا تٷزەتۋلەر ەنگٸزٸڭٸزدەر. ال قازٸر قۇرىلىس-قۇراستىرۋ جۇمىستارىن توقتاتپاي, جالعاستىرۋ قاجەت. كەلەسٸ جىلى 1 ملرد. 800 ملن. تەڭگە بٶلەمٸز. ايىرىق جولاق مەسەلەسٸن قاراستىرۋدى جٸتٸ تاپسىرامىن, – دەدٸ شقو ەكٸمٸ دانيال احمەتوۆ.
– قايتا قۇرۋداعى باستى ماقسات, سٸزدەر استانا كٶشەسٸندە ٸستەمەك بولعان اسفالت جابىندىسىن اۋىستىرۋ ەمەس, جٷرۋ جولاعىن كەڭەيتۋ, – دەدٸ دانيال احمەتوۆ مەردٸگەرلەرگە قاراتا. – تاعى دا استانا مەن پروتوزانوۆ كٶشەلەرٸنٸڭ جولاعىن بارىنشا كەڭەيتۋدٸ تاپسىرامىن. ولاردىڭ قاتارى تٶرتەۋ بولۋى تيٸس.
ٶسكەمەن ەكٸمٸنٸڭ ورىنباسارىنا كەلەر جىلى بايقاۋعا ەلٸمٸزدەگٸ باسقا دا جوبالاۋشى ۇيىمدارىن شاقىرۋ تاپسىرىلدى. سەبەبٸ, جەرگٸلٸكتٸ كومپانييالار مەرزٸمٸن كەشٸكتٸرٸپ قانا قويماي, تەكسەرۋ كەزٸندە وبلىس ەكٸمٸ انىقتاعانداي, جوبادا قاتەلٸكتەر جٸبەرگەن.
كەلەسٸ نىساندا ٸسٸنە جاۋاپسىزدىق تانىتقان «ەليتەنەرگوستروي» كومپانيياسى ٶزگەلەردەن ەرەكشەلەندٸ. جٶندەۋ جۇمىستارىنا نەبەرٸ 4 تەحنيكا جۇمىلدىرىلعان. سەرٸكتەستٸك لوپاتينو ارالىنان ەرتٸس ٶزەنٸنەن ٶتەتٸن كٶپٸردەن احمەر اۋىلىنا دەيٸنگٸ اۋماقتاعى مٸندەتتٸ موينىنا العان ەدٸ. تىڭدىرىلعان تىنىمدى ٸس بولماعاندىقتان, وبلىس ەكٸمٸ قاراجات اۋرۋحانانىڭ قۇرىلىسىنا اۋدارۋدى تاپسىردى. جوبانىڭ جالپى قۇنى 1 ملرد 128 ملن تەڭگە. بيىلعا بٶلٸنگەن ەرٸ تولىق يگەرٸلمەگەن سوما 700 ميلليوننان اسا تەڭگەنٸ قۇرايدى.
شقو ەكٸمٸنٸڭ باسپاسٶز قىزمەتٸ
https://dalanews.kz/30258
