19 ناۋرىز كۇنى تاڭەرتەڭ سايلاۋعا بارعان كوپتەگەن وسكەمەندىكتەردى جاعىمدى توسىن سىي كۇتىپ تۇردى. سايلاۋ ۋچاسكەلەرىندە قازاق ۇلتتىق تاعامىنان ءدام تاتۋعا مۇمكىندىك الدى.
– كەرەمەت يدەيا، ويتكەنى ءبىز ءۇشىن باۋىرساق-كۇننىڭ، باقىتتىڭ جانە مەرەكەلىك داستارحاننىڭ بەلگىسى. ەلىمىز ءۇشىن وسىنداي ايتۋلى كۇندە دە ءبىزدىڭ داستۇرلەرىمىزدى ۇستاناتىنىمىزعا وتە قۋانىشتىمىن، – دەپ اتاپ ءوتتى وسكەمەن قالاسىنىڭ تۇرعىنى ءالفيا.
ايتۋلى كۇنى قالا كاسىپكەرلەرى 112 سايلاۋ ۋچاسكەسىندە باۋىرساقتاردى تەگىن تاراتتى.
وبلىس تۇرعىندارىن باۋىرساقتار عانا ەمەس، مەرەكەلىك جارمەڭكەلەر دە تاڭ قالدىرادى. ماسەلەن، گلۋبوكوە اۋدانىنىڭ، التاي اۋدانىنىڭ سايلاۋ ۋچاسكەلەرىندە داۋىس بەرۋشىلەرگە ارنالعان مەرەكەلىك جارمەڭكەلەر ۇيىمداستىرىلدى.
ايتا كەتەيىك، قولايسىز اۋا-رايىنا قاراماستان، سايلاۋشىلار بەلسەندىلىك تانىتۋدا. سايلاۋعا وتباسىلار، ۇجىمدار جانە ءتىپتى بۇكىل كوشەلەر بارۋدا.
